निरज बस्नेत
विराटनगर, कार्तिक २७
सोमबार बिहान बसेको मन्त्रिपरिषद् बैठकले नेपालमा टिकटक बन्द गर्ने निर्णय गरेको छ । सामाजिक सद्भाव बिगार्ने काम गरेको भन्दै सरकारले टिकटक बन्द गर्ने निर्णय गरिएको हाे ।
टिकटक बन्द गर्ने नीतिगत निर्णय भएपछि अब प्राविधिक रूपमा टिकटक बन्द गर्ने सरकारकाे तयारी छ ।
अभिव्यक्ति स्वतन्त्रता आधारभूत अधिकार भए पनि टिकटकले समाजमा अनेकाै समस्या निम्तियाएकाे निस्कर्ष सहित सरकारले टिकटक बन्द गर्ने निर्णय गरेको हो । टिकटकले समाजमा समाजिक सद्भाव बिगार्ने गरेकाे, मानसिक समस्या उत्पन्न गर्ने गरेकाे, पारिवारिक माहाेलमा खलल पुर्याएकाे आलाेचकहरुकाे बुझाई छ ।
त्यस्तै टिकटकका समर्थकले टिकटकबाट दैनिक नेपालीले कराैडाै रुपैयाँ कमाउने गरेकाे, कला तथा क्षमता प्रदर्शनीकाे लागी ठुलाे पिल्याटफर्म भएकाे एवं समाजिक एकता र भैपरिमा एकजुट भई सहयाेग जुटाउन सजिलाे हुने गरकाे बताउने गरेकाे छन् ।
पछिल्लो ४ वर्ष ३ महिनाभित्रमा १ हजार ६ सय ४८ वटा साइबर अपराधका उजुरी दर्ता भएकोमा अधिकांश टिकटकसँग सम्बन्धित भएको प्रहरीकाे तथ्यांक छ । साइबर ब्युरो, गृह मन्त्रालय र टिकटकका अन्तर्राष्ट्रिय प्रतिनिधिबीच केही समाय देखि यस विषयमा छलफल हुँदै आएकाे थियाे ।
