०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

फोहोरी विराटनगर

Logo
राम खत्री

विराटनगर, पुष १८। विराटनगर महानगरपालिका दिनानु दिन फोहोरको केन्द्रबिन्दुको रुपमा परिणत हुदैे छ । विराटनगरमा सफा र खाली ठाउँ भेट्न असम्भव जस्तै छ । यहाँको खोला, नहर, सडकपेटी र खाली स्थानमा पाइने साझा वस्तु भनेको नै फोहोर हो । यतिसम्म भएको छ कि जहाँ महानगरले फोहोर नफ्याक्न आग्रह गरेर सुचना टासेको हुन्छ त्यही ठाउँमा अत्यधिक फोहोर देखिन्छ ।
विराटनगरलाई सफा सहर बनाउँनका लागि स्थानीय सरकार चिन्तीत देखिदैन  । महानगरले नारामा सफा र सुन्दर विराटनगर राखेपनि कार्यान्वयन भने हुन सकेको छैन । “हामी सबैको रहर शिक्षित, सफा, सुन्दर, सुरक्षित र सक्षम बिराटनगर” महानगरको नारा नारामै सीमित छ । विराटनगरको प्रत्येक वडामा फोहोर व्यवस्थापन समुहले हप्ताको २ पटक फोहोर उठाउँछ । विराटनगर महानगरपालिकामा १५० भन्दा बढी सरसफाई कर्मचारी छन् । महानगरले तिनवटा सरसफाई संस्थालाई फाेहर उठाउने छुट्टै जिम्मा समेत दिएकाे छ, अप्रत्यक्ष रुपमा सरसफाई अभियानमा हजाराै मानिसहरु लागिरहेका छन्। यति धेरै सरसफाईकाे बन्दाेबस्ती रहदा पनि नगर फाेहरनै रहनु स्थानीय सरकारकाे कमजाेरी हाे ।  विराटनगर महानगरपालिकाकाे नगर सभामा मेयर नागेश कोइरालाले जथाभावी फोहोर फ्याक्नेलाई नियन्त्रण गर्न सिसिटिभी क्यामेरा राख्ने निर्णय गराएका थिए । तर सो निर्णय समेत कार्यान्वयन भएको छैन ।

विराटनगर औद्योगिक, व्यापारीक, स्वस्थ्य, शिक्षा र प्रशासनिक केन्द्रको रुपमा परिचित छ । नगरपालिकाको वढ्दो जनसंख्या, यहाँका नागरिकहरुमा सरसफाई सम्वन्धी चेतना कमी, जथाभावी फोहोर गर्नेलाई नियमन गर्न कडा कानुन नहुनु, फहोर व्यवस्थापनमा महानगरको ढिला सुस्ती , सरसफाई कर्मचारीले राम्ररी फोहोर सरसफाई नगर्नु र विराटनगर भौगोलिक रुपमा समतल हुनाले पनि विराटनगर सफा बन्न नसकेको हो । महानगरले ढिलासुस्ती गर्ने कर्मचारीलाई कारवाही गरेर, सफाई कर्मचारीलाई तालिम दिने, फोहोर बर्गीकरण गर्ने, महानगरको सफाई यन्त्रलाई आधुनिक वनाउने, सफाई नियमलाई कडा बनाउने, नीजि क्षेत्रसँग महानगरले समन्वय गरेर मुख्य चोक, पार्क, सडकपेटीमा डस्टबिन राख्न सक्छ, जथाभावी फोहोर गर्नेहरुलाई उचित दण्ड वा जरीवाना गराउन सकेमा विराटनगरलाई धेरै हदसम्म सफा पार्न सकिन्छ ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]