विराटनगर, पुष २३ । विराटनगर निवासी समाजसेवी दिनबन्धु गोयलले हिन्दु स्वयम सेवक संघ नेपालको भवन निर्माणका लागि ५ लाख रुपैयाँ सहयोग गरेका छन् । आईतबार गाेयलले महेन्द्र चाेकस्थित निज निवासमा हिन्दु स्वयम सेवक संघ नेपालका केन्द्रिय सहसचिव महेन्द्रप्रसाद साहलाई ५ लाखकाे चेक हस्तान्तरण गरेका थिए । सहयाेग बुझ्नका लागी साहसँगै कोशी प्रदेश संघका सियाराम रौनियार र मुकेश साह समेत पुगेका थिए।
अढाई करोड रुपैयाँको लागतमा विराटनगरमा हिन्दु स्वयम सेवक संघ नेपाल कोशी प्रदेश समितिको भवन निर्माण भई रहेको छ । विराटनगरकै आर्का समाजसेवी देवकिशन मुण्दडाले विराटनगर ७ स्थित नेपाल टेलिकम विराटनगर शाखा कार्यालय नजिक उपलब्ध गराएको १ कठ्ठा ७ धुर जग्गामा भवन निर्माणको काम भईरहेकाे हाे । भवन निर्माणकाे लागी मोरङ व्यापार संघका पूर्व अध्यक्ष एवं व्यवसायी शंकरलाल अग्रवालको संयोजकमा १५ सदस्यीय समिति समेत बनेकाे छ ।
गाेयलले शनिबार मात्र झापाका विद्यार्थीलाई छात्रावृती तथा न्यानाे कपडा वितरण गरेका थिए ।
