१५ भाद्र २०८२, आइतबार
31-08-2025 , Sun
Gold Silver Price (13 Bhadra 2082, Friday)
Fine Gold 1 Tola NRs. 201100
Silver 1 Tola Nrs. 2375

संकटमा कपडा व्यवसाय

Logo
संवाददाता जनचर्चा प्रकाशित शुक्रबार, माघ १२, २०८०

विराटनगर, माघ १२
कपडा व्यवसायहरु अहिले मन्दीकाे असरले  ठुलो संकटमा परेका छन् । वर्तमान अवस्थामा कपडाको बिक्री वितरण न्युन छ । ठुला शहरहरुमा झन् व्यापार घटेर व्यापारीहरु वेहाल छन्। एकतिर विविध कारणले आम्दानी घटीरहेकाे छ आर्काेतर्फ खर्च भने बढेकाे बढै छ।

कपडा-बजारकाे स्थिती बुझ्न  बिराटनगरलाई नुमना मानेर हेर्ने हो भने, यँहा कपडाको पसल फुटपाथ देखि मलसम्म यत्रतत्र खुलेका छन् । व्यापारमा तिव्र प्रतिस्पर्धा र ग्राहक संख्यामा कमी आउँदा कपडा व्यावसायीलाई पसलकै मासिक खर्च समेत धान्न हम्मेहम्मे छ । बरगाछी चौकदेखि चादनी चौकसम्म विगतका केही बर्षमा ४ देखि ५ वटामात्र कपडा पसल थिए तर अहिले १/२ बर्षको अन्तरालमा १५ देखि २० वटा कपडा पसलहरु संचालनमा आइसकेका छन् । मुख्य बजारमा सरदर मासिक पाँचवटा नँया पसल खुल्ने र साेही अनुपातमा बन्द समेत हुने गरेकाे छ । अहिले मन्दीकाे कारण खुल्नेभन्दा बन्द गर्नेकाे शंख्या ह्वातै बढेकाे छ ।

विराटनगरका कपडा व्यवसायी मनाेज चौधरी भन्छन्  “एक दुई बर्ष अगाडिसम्म हाम्रा पसलमा शनिवार कपडा बेच्न भ्याइ नभ्याई हुन्थ्यो तर आज भाली शनिवार त पसलमा मान्छे नै आउदैनन्, जनतासँग पैसा नहुदाँ क्रयशक्तिमा कमी आएकाे छ । जनताहरु पहिले जस्तो कपडामा खर्च गर्न सक्ने स्थितीमा छैनन्।” चाैधरी अगाडी थप्छन “कपडाका पारखी भनेका युवाहरु नै हुन तर नेपालका २५ प्रतिशत युवा बैदेशिक रोजगारीमा छन्, देशको एक चौथाइ जंनसख्या बेदेशिएका छन् । अझ विदेश जानेकाे श‌ंख्या दिनानुदिन बढेकाे बढैछ । देशमा भएका अधिकांश काम गर्ने युवाहरु पनि सीमित तलवमा काम गरीराखेका छन् । धेरै युवाहरु बेरोजगार छन् । याे अवस्थामा लुगा कसरी बिक्छ?”

खुला सिमा पनि यँहाकाे व्यवसायीहरुकाे लागी ठुलाे टाउकाे दुखाईकाे विषय बनेकाे छ। नाका खुला हुदाँ  बिराटनगरका ग्राहकहरु पनि कपडा किन्न सीमा पारी भारत, जाेगबनी तिरै जने गरेका छन् जसका कारण यहाँको कपडा व्यापारीलाई ठुलाे धक्का पुगेकाे छ । विराटनगरका सरदर ८० प्रतिशत ग्राहक नियमित कपडा तथा खाद्यान्न खरिद गर्न भारतकाे जाेगबनीतर्फ धाउने गरेकाे विराटनगरका व्यापारीबाट रफ आकडा उपलब्ध भएकाे छ ।

सरकारले पेट्रोलियम पदार्थकाे मुल्य वृद्धि गर्दा ढुवानी खर्च समेत बढ्ने गरेकाे व्यापारीहरुकाे गुनसाे छ । अर्काेतर्फ  बैंकको चर्को व्याजदरले थलीएको कपडा व्यवसायले वडादेखि केन्द्र केन्द्रसम्मकाे सरकारलाई अनेकाै प्रकारकाे कर बुझाउनु पर्नु व्यवास्थाले झनै ठुलाे चपेटामा परेकाे छ । एक दशकदेखि निरन्तर खस्किरहेकाे कपडा व्यावसाय काेभिडपछि तन्नमनै भएकाे व्यावसायीहरुकाे अनुभव छ । अहिले कपडा व्यवसाय गरेको आम्दानीले  बैंकको ब्याज ,घरभाडा र कर्मचारीलाई भुक्तानी गर्न समेत नपुग्ने व्यावसायीकाे दुखेसाे छ ।

कमेन्ट गर्नुहोस्
सम्बन्धित

काठमाडौं ,१४ भदौ। प्रधानमन्त्री केपी शर्मा ओली जनवादी गणतन्त्र चीनका राष्ट्रपति सी चिनफिङको मैत्रीपूर्ण निमन्त्रणामा साङ्घाई सहयोग सङ्गठन (एससिओ) शिखर सम्मेलनमा भाग लिन २३ सदस्यीय नेपाली प्रतिनिधिमण्डलको नेतृत्व गर्दै आज बिहान चीनको तियान्जिनतर्फ प्रस्थान गरेका छन् । त्रिभुवन अन्तरराष्ट्रिय विमानस्थलको अतिविशिष्ट कक्षमा प्रधानमन्त्री ओलीलाई उपप्रधानमन्त्री एवं सहरी विकासमन्त्री प्रकाशमान सिंह, गृहमन्त्री रमेश लेखक, परराष्ट्रमन्त्री डा आरजु […]

विराटनगर, १३ भदौ – कोशी प्रदेश सरकारले प्रदेशसभाबाट पारित गर्ने तयारी गरेको ‘प्रदेश आमसञ्चार सम्बन्धी व्यवस्था गर्न बनेको विधेयक, २०८१’ होल्ड भएको छ। प्रेस स्वतन्त्रता विरोधी प्रावधानसहितको विधेयक कोशी सरकारले ल्याएपछि पत्रकार र सञ्चारसम्बद्ध संघ संस्थाहरु आन्दोलनमा उत्रेका थिए। पत्रकारहरूको आन्दोलनपछि मुख्यमन्त्री हिक्मतकुमार कार्कीसँग तत्काल विधेयक अघि नबढाउने विषयमा छलफल भएको नेपाली कांग्रेस कोशी प्रदेश […]

विराटनगर,१४ भदौ । फोहोरमैला व्यवस्थापनका लागि कोशी प्रदेश सरकार र स्थानीय तहबीच संझौता भएको छ । मोरङ जिल्लाका चार तथा इलामका दुई स्थानीय तहबीच सम्झौता भएको हो । कोशी प्रदेश सरकार भौतिक पूर्वाधार विकास मन्त्रालय, विराटनगर र रङ्गेली नगरपालिका, सुनवर्षी नगरपालिका, कानेपोखरी गाउँपालिका तथा धनपालथान गाउँपालिकाबीच फोहोरमैला व्यवस्थापन रणनीतिक साझेदारी कार्यक्रमबारेको समझदारीपत्रमा हस्ताक्षर भएको हो । […]