काठमाडौं, भाद्र १६
एटीएम मेसिन प्रयोग गरी करोड भन्दा बढी रकम लुटपाट गर्ने ५ जना चिनियाँ नागरिकलाई आइतबार प्रहरीले पक्राउ गरेको छ ।
शनिबार दरबारमार्गमा रहेको नबिल बैंकको एटीएम मेसिन प्रयोग गरी रकम झिक्ने क्रममा एक जना चिनियाँ नागरिक पक्राउ परेका थिए । उनी प्रक्राउ परे लगतै प्रहरीले उनी बसेको होटलबाट अन्य ४ जनालाई पनि पक्राउ गरेको थियो ।
उनीहरुलाई महानगरीय प्रहरी परिसर काठमाडौंले आइतबार सार्वजनिक गरेको छ । पक्राउ पर्नेमा ३५ वर्षका चेन विन विन, ३२ वर्षका झु लियाङ आङ, ३० वर्षका क्यु याङयिङ, ४० वर्षका लु जियालिङ, २९ वर्षका लिन जिनमिङ रहेका प्रहरीले जानकारी दिएको छ ।
उनीहरुको साथमा १ करोड २६ लाख ४५ हजार नेपाली रुपैयाँ र केही विदेशी रकम समेत बरामद भएको छ । नेपाल राष्ट्र बैंकले १ करोड ६८ लाख ५४ हजार रुपैयाँ बैंकिङ प्रणालीबाट नोक्शान भएको बताएको छ । नेपाल राष्ट्र बैंकले सर्वसाधारणको निक्षेप भने सुरक्षित रहेको बताएको छ ।

तपाईको प्रतिक्रिया