०८ जेठ २०८१, मंगलबार
21-05-2024 , Tue

विराटनगरमा पाठेघर स्क्रिनिङ चेकजाँच शिविर

Logo
जनचर्चा संवाददाता प्रकाशित बिहिबार, चैत्र १५, २०८०

विराटनगर,१५ चैत । विराटनगर महानगरपालिकाले महिलाहरुलाई लक्षित गर्दै पाठेघर स्क्रिनिङ चेकजाँच (भिआइए) तथा निशुल्क स्वास्थ्य परिक्षण कार्यक्रमलाई तिब्र पारेको छ । महानगरले हरेक वडाहरुमा यसखाले कार्यक्रम गर्दै आएको छ ।

हरेक हप्ता निःशुल्क स्वास्थ्य शिविर सञ्चालन गरेर कार्यक्रमलाई निरन्तरता दिएको हो । आर्थिक अभावका कारण गरिब तथा विपन्न व्यक्तिहरुलाई अस्पताल जान समस्या हुने भएकाले वडामै स्वास्थ्य शिविर सञ्चालन गरिएको महानगर स्वास्थ्य महाशाखा प्रमुख दिलिप यादवले बताए ।

बुधबार रानी अस्पतालमा शिविर सञ्चालन गरिएको छ । जसमा ३ सय ३३ जनाले सेवा लिएको शिविर संयोजक तथा सिनियर अहेव अधिकृत भोला तिम्सिनाले जानकारी दिए । उनका अनुसार यो कार्यक्रम विराटनगरका १४,१५,१६,१७,र १८ नं. वडामा सम्पन्न भइसकेको छ । अव क्रमश सवै वडामा कार्यक्रम हुने छ । अव चैत्र १९ गते वडा न.१३ को पुर्वान्चल बाल आश्रममा शिविर सन्चालन गरिने तिम्सिनाले जानकारी दिए ।

नोबेल मेडिकल कलेजको प्राविधिक सहयोगमा महानगरले शिविर सञ्चालन गरिरहेको छ । जसमा सुगर,प्रेसर, क्षयरोग, बालरोग, यौनरोग, स्त्री रोग, आँखा, कान, दन्त, फिजिसियनलगायतका सेवा समेत उपलब्ध गराइएको छ ।

उक्त शिविरको प्रमुख प्रशासकीय अधिकृत राजेन्द्र पराजुली , प्रशासन प्रमुख अर्जुन थपलिया,महानगर स्वास्थ्यका सिनियर अहेव अधिकृत रमेश कार्की लगायतले अनुगमन समेत गरेका थिए । केही महिना अगाडि विराटनगर महानगरका मेयर नागेश कोइराला र उपमेयर शिल्पा निराला कार्कीले यो कार्यक्रमको शुभारम्भ गरेका थिए ।

कमेन्ट गर्नुहोस्
सम्बन्धित

विराटनगर,७ जेठ । विराटनगरमा रहेको मानव सेवा आश्रमलाई विभिन्न दाताहरुले भवन निर्माण तथा आवासीय सेवाका लागि आर्थिक सहयोग गरेका छन् । आश्रममा आयोजित एक कार्यक्रमका बीच दाताहरुले सहयोग गरेका हुन् । विराटनगरका समाजसेवी चिरन्जीवी दाहालले ५ लाख ११ हजार १ सय ११ रुपैयाको चेक प्रदान गरेका छन् । यस्तै ट्रान्स नेपालका तर्फवाट मुकेश राठीले ५ लाख […]

विराटनगर,७ जेठ । देशभर पोलियो विरुद्धको आईपीभी राष्ट्रिय खोप अभियान जेठ १३ देखि २६ गते सम्म सञ्चालन हुने भएको छ । जसमा वि.स.२०७३ साल देखि २०७५ असोज सम्म खोप लााउन छुटेकाहरुलाई समेटिने छ । ती सालहरुमा खोपको उपलब्धता नभएका कारण देशभरका बालबालिका खोपबाट बन्चित भएका थिए । उक्त कार्यक्रम अन्तरगत मोरङमा मात्रै ५२ हजार ३५२ बालबालिकालाई […]

कानेपोखरी, ७ जेष्ठ । आइतबार मोरङको कानेपोखरीमा एकदिने लागू औषधविरुद्धकाे सचेतनामूलक कार्यक्रम सम्पन्न भएको छ। आदर्श समाज कानेपाेखरीद्वारा आयाेजित साे सचेतामूलक कार्यक्रममा कक्षा ९ र १० का दुई सयबढी विद्यार्थीलाई प्रशिक्षण दिईएकाे छ । जनसेवा माध्यमिक विद्यालयको सभाहलमा आयाेजित कार्यक्रममा आस्रा सुधारकेन्द्र धरानका प्रमुख प्रशिक्षक टिकाराम सिग्देल र रमाइलो चौकीका कार्यालय प्रमुख नारायण प्रसाद भट्टराईले […]