ईटहरी, चैत १५ । पर्यटन र व्यापारको प्रवर्द्धनका लागि युवा उद्यमी मंचले कोशी प्रदेशस्तरीय मोटर र्याली गर्ने भएका छन् । मंचको विराटनगर, सुनसरी र झापा च्यापटरले संयुक्त रुपमा सो र्याली गर्ने भएको हो ।
मंचले बुधबार विराटनगरमा पत्रकार सम्मेलन गरी सो र्यालीबारे जानकारी दिएको छ । चैत १६ गेत ईटहरीकाे होटल सोल्टी वेस्टेण्डबाट शरु हुने र्यालीको औपचारीक शुरुवात कोशीका मुख्यमन्त्री केदार कार्कीले गर्ने भएका छन् ।
विराटनगर मंचका अध्यक्ष रंजित भागतले र्याली स्पर्धा नभई पर्यटन र व्यापारको प्रवर्द्धन लागी आयोजना गरिएको पत्रकार सम्मेलनमा बताए । उनले र्याली मोटरगाडीको दौड स्पर्धा नभएको हुँदा, गति र दुरीले मान्यता नराख्ने तर उत्कृष्ट योगदान पुर्याउने सहभागीलाई परस्कृत भने गरिने बताए ।
र्यालीको प्रायोजन जी मोटर्स प्रा.लिले गर्न भएको छ । जी मोटर्सले बिजुलीबाट चल्ने स्काईवेल गाडी नेपाली बजारमा विक्रिवितरण गर्दछ । ५ सिट क्षमता भएको स्काईवेलको रेन्ज ६ सय २० मिलोमिटरसम्म रहेको छ । सम्मेलनमा जी मोटरका व्यवस्थापक कुशल लामिछानेको सहभागिता रहेको थियो । स्काईवेल गाडीको सोरुम हाललाई ईटहरीमा रहेको र चाँडै नै विराटनगरमा पनि आउटलेट खोल्ने तयारी रहेको लामिछानेले बताए । सम्मेलनमा मंचको झापा च्यापटरबाट अध्यक्ष प्रवेश बस्नेतको उपस्थ्तिी रहेको थियो ।
र्यालीको पहिलो दिन ईटहरीबाट धरान, धनकुटा, फिदीम, ईलामको साखेजुङ हुँदै पानीटारमा रात्रीबासको तालिका तय गरिएको छ । सोही दिन देउमाई नगरिपालिकास्थित महेन्दै आधारभुत विद्यालयका विद्यार्थीलाई ५० हजार बराबरको फुटबल, ब्याडमिन्टन, क्रिकेट सेट लगाएतको खेल सामग्री प्रदान गरिने बताईएको छ । र्यालीको दोस्रो दिन सिम्पानी चायाबगान, कन्याम, चारआली हुँदै दमकस्थित नेपारिकामा युवा व्यवसायीको उद्यमीसँग उद्यमी बैठक एवं रात्रीबास हुनेछ ।
तेस्रो दिन विहान र्याली समापन गरिने कार्यक्रम तय गरिएको छ । र्यालीमा २० सवारी साधन एवं विराटनगर, सुनसरी र झापा च्याप्टरका ५० जना युवा उद्यमी व्यवसायीको सहभागिता रहने छ । र्यालीमा सहभागी हुन रजिष्ट्रेशन शुल्क २० हजार रुपैयाँ राखिएको छ ।
कोशी प्रदेशमा पर्यटनका यथेष्ट सम्भावन रहेपनि प्रवद्र्धन कम रहेको महशुश गरी पर्यटन बढावा दिन र्यालीको आयोजना गरिन लागिएको सचिव रोमन कट्टेलले जानकारी गराए ।
र्यालीले कोशी प्रदेशका युवा उद्यमीलाई एकीकृत गराउने र व्यवसायीहरुबीचको सम्बन्ध प्रगाढ बनाउने विश्वास लिएको सुनसरी च्याप्तटर अध्यक्ष चन्द्र देवकोटाले बताए ।
