काठमाडाैं, चैत १८ । अधिवक्ता तहको ३१ औं परीक्षामा विराटनगरका पुर्ण बोहोरा कोशी प्रथम भएका छन् । नेपाल बार परिषद्ले गत पुषमा लिएको परिक्षामा बोहराले कोशीमा प्रथम र नेपालभरिमा छैठौं स्थान हासिल गर्न सफल भएका हुन् । प्रकाशित नितिजाका अनुसार उत्कृष्ट दशमा बोहोरा बाहेक अन्य सबै परीक्षार्थी बागमती प्रदेशबाट छन् ।
अधिवक्ताको परीक्षामा विराटनगरबाट उत्कृष्ट दशभित्र पर्ने सम्भवत बोहोरा पहिलो परीक्षार्थी भएको अधिवक्ता सुजन दाहल बताँउछन् । “यसभन्दा अघि विराटनगरबाट कसैले पनि टपटेनमा दावी गर्नुभएको छैन।” दाहाल भन्छन् “सम्भवतः वहाँनै विराटनगरबाट अधिवक्ताको परीक्षामा उत्कृष्ट दश भित्र पर्ने पहिलो परीक्षार्थी हो।” सो परिक्षामा बोहोराले कुल ७५।७६ प्रतिशत प्राप्त गरेका छन् ।
बोहाेराले पुर्वाञ्चल विश्वविद्यालय सम्बन्धन प्राप्त विराटनगरको ब्राईट भिजन कलेजबाट कानुनमा स्नातक गरेका छन् । उनी हाल विराटनगरको हिमाल ल च्याम्बरमा वरिष्ठ अधिवक्ता भारत बहादुर थापासँग कानुन व्यवसाय अभियास गरिहेका छन् । पुर्ण बोहाेरा बुवा चन्द्र बहादुर बोहोरा र आमा कमला बोहराको कान्छो छाेरा हुन् । मोरङको उर्लाबारीमा पुर्खेली घर भएका बोहोरा परिवार अहिले स्थायी रुपमा विराटनगरमा बस्दै आएका छन् ।
