काठमाडौं २७ चैत
राजेन्द्र लिङदेन नेतृत्वको राप्रपाले काठमाडौंमा शक्ति प्रदर्शन गरेको छ । राप्रपा अध्यक्ष लिङदेन स्वंले निषेधित घेरा तोडेका छन् । यसैबीचमा अध्यक्ष लिङदेनलाई प्रहरीले धक्कामुक्का पनि गरेको देखियो । तथापि अध्यक्ष लिङदेनले नेपाल सरकारलाई कडा चेतावनी दिएका छन् । उनले भनेका छन् , राप्रपाले प्रस्तुत गरेको ४० बुँदे माग बमोजिम यदि सरकार मान्न तयार भएन भने परिणाम घातक हुनसक्छ । अव हामी चुप लागेर बस्दैनौ ।
आन्दोलन वार की पारनै हुन्छ । यता काठमाडौंमा देशभरबाट लाखौंको संख्यामा राप्रपाका कार्यकर्ताहरु एकदिन अगाडीनै आएर विभिन्न ठाउँमा बसिसकेका थिँए । मंगलवार राजधानी केन्द्रित शुरुवाती आन्दोलनका क्रममा विभिन्न ठाउँबाट ठूलो संख्यामा जुलुस निकाली निषेधित क्षेत्र तोडिएको अवस्था थियो ।
यसैबीचमा प्रहरीले पानीको फोहोरा , लाठीचार्ज गरी दर्जनौं कार्यकर्तालाई घाइते बनाएको छ । केहीलाई पक्राउ पनि प्रहरीले गरेको छ । यता गृहमन्त्रीको राजीनामा पनि मागिएको छ ।
