२६ बैशाख २०८२, शुक्रबार
09-05-2025 , Fri
Gold Silver Price (26 BAI 2082, FRI)
Fine Gold 1 Tola NRs. 191300
Silver 1 Tola Nrs. 1975

विराटनगरमा ३७ औं गणगौर पूजा सम्पन्न

Logo
जनचर्चा संवाददाता प्रकाशित बुधबार, चैत्र २८, २०८०

विराटनगर,२८ चैत । घरपरिवार सुख शान्तिको कामना गर्दै मारवाडी समुदायले विराटनगरमा ३७ औं गणगौर पूजा महोत्सव सोमबार मनाएको छ । नेपाल मारवाडी गणगौर र पूजा समितिले आयोजना गरेको महोत्सवमा विभिन्न सास्कृतिक कार्यक्रम गरिएको थियो । मारवाडी समुदायका बालबालिका र महिलाहरुले विभिन्न प्रतिभा देखाउदै नृत्य तथा धार्मिक कलाहरु प्रस्तुत गरेका थिए ।

सोही अवसरमा विभिन्न क्षेत्रमा योगदान पुर्याउने व्यक्तिहरुलाई सम्मान गरिएको थियो । सम्मानित हुनेहरुमा नेतृ तथा गीतकार अनिता सोनी, डा.तृप्ती अग्रवाल, किर्ति बोहरा, राजलक्ष्मी अग्रवाल, दीक्षा गोयल, समाजसेवी इन्दिरा रिजाल र मिनाक्षी नेपाल रहेका छन् । उनीहरुलाई आर्थिक मामिला तथा योजना राज्यमन्त्री इन्दिरा थापाले कदरपत्र र दोसल्ला ओढाएर सम्मान गरेकी थिइन् ।

कार्यक्रममा बोल्दै राज्यमन्त्री थापाले धर्म,संस्कृति र परम्पराको जगेर्ना गर्दै अगाडि वढ्नुपर्नेमा जोड दिइन् । यस्ता पर्वहरुले पारिवारिक मिलन गराउने र एक आपसमा सम्वन्ध प्रगाड बनाउने मन्त्री थापाको भनाइ थियो ।
यो पूजा मारवाडी समुदायका महिलाहरुले परापूर्वकालदेखी मनाउदै आइरहेको गणगौर पूजा समितिका अध्यक्ष नन्दकिशोर राठीले जानकारी दिए । सन्तान,श्रीमान् तथा समस्त परिवार कल्याणका लागि गणगौर पूजा गर्ने चलन रहेको राठीको भनाइ छ ।

महोत्सवको मुख्य संयोजक शितल बाहेती र संस्थापक अध्यक्ष मुलचन तापडियाले गणगौर पवित्र पर्व भएको बताएका थिए । कार्यक्रममा मारवाडी समुदायका अगुवा भिखमचन्द सरल,वेनीगोपाल मुन्दडा,देवकीनन्दन अग्रवाल,श्रवण अग्रवाल,अर्चना राठी,मिलन नौलखा ,रचना राठी,गिरिजा सारडा लगायतको सहभागिता रहेको थियो ।

कमेन्ट गर्नुहोस्
सम्बन्धित

काठमाडौं २६ बैशाख ।  राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रमाथि राज्यले फेरि अर्को मुद्दा थपेको छ । तीनकुने घटनासँग जोडिएर यसअघि राज्यविरुद्धको कसुर र संगठित अपराध अन्तर्गत अभियोग लगाइएको मिश्रमाथि अब आपराधिक उपद्रवसमेतको मुद्दा दायर गरिएको हो । आज (बिहीबार) जिल्ला अदालत काठमाडौंमा म्याद थपको प्रक्रिया दौरान मिश्रमाथि नयाँ आरोप थपिएको हो । […]

काठमाडौँ २३,बैशाख ।  हाल देशमा पश्चिमी वायु तथा स्थानीय वायुको प्रभाव रहेको छ। यसका साथै बङ्गालको खाडी र अरब सागर बाट भित्रिरहेको जलवाष्पयुक्त हावाको समेत आंशिक प्रभाव रहेको छ। जसको प्रभावले हाल देशभर आंशिकदेखि साधरणतया बदली रहेको छ। कोशी, मधेस, बागमती, गण्डकी, लुम्बिनी र कर्णाली प्रदेशका एक–दुई स्थानहरूमा हल्कादेखि मध्यम वर्षा भइरहेको छ। आज दिउँसो […]

काठमाडौं ,२१ बैशाख ।  सन् २०२५ को अप्रिल महिनामा हालसम्मकै उच्च सङ्ख्यामा विदेशी पर्यटक नेपाल भित्रिएका छन् । नेपाल पर्यटन बोर्डले उपलब्ध गराएको तथ्याङ्कअनुसार अप्रिल महिनामा मात्रै एक लाख १६ हजार ४९० विदेशी पर्यटक नेपाल आएका छन् । नेपालको पर्यटनमा अप्रिल महिनाको विदेशी पर्यटक आगमनमा रेकर्ड कायम भएको बोर्डले उल्लेख गरेको छ । अप्रिलमा सबैभन्दा […]