विराटनगर, १ बैशाख । नयाँ बर्ष २०८१ को अवसरमा विराटनगरकाे ताण्डव रेष्टुरेण्टले बैशाख १ गते शनिवार साझ सांगितीक धमाका गर्न लागेको छ । गायकद्वय सुमित खड्का र अन्जु गौतमले सांगितीक प्रस्तुति दिन लागेकाे ताण्डव रेष्टुरेण्टकी संचालिका राधा आचार्य ढकालले जानकारी दिएकी छिन् । गौतम र खड्काले आफ्ना मिठा–मिठा गीत संगीत कलेक्सनहरु पस्किने तयारी रहेकाे छ । यसका अलावा आकर्षक नृत्य र र्यापर गानाकाे प्रस्तुती समेत हुने भएकाे छ ।
नयाँ वर्षकाे अवसरमा रेष्टुरेण्टको तर्फबाट आएका ग्राहकहरुको लागि स्वादिष्ट खानाका विविध परिकारको साथमा पेय पदार्थको राम्रो प्रबन्ध मिलाइएको छ । साथै रेष्टुरेण्टकै तर्फबाट कम्प्लीमेन्टरी वेलकम ड्रिंककाे व्यवस्था समेत मिलाईएकाे छ । कार्यक्रम निकैनै आकर्षक , रमाइलो हुने पूर्वअनुमान छ । राष्ट्रिय गायक सुमित , त्यहाँमाथि गायक सुमितको बढ्दो क्रेज यसले गर्दापनि दर्शकहरुको राम्रै भीडभाड हुने देखिन्छ । अझ भन्दा नयाँ बर्षमा रमाइलो गर्ने बहाना पनि बनेकै छ । अनि गायिका अन्जुको मिठो आवाजका पारखीहरुको एकखाले राम्रै जमात् पनि त छ । साथमा आकर्षक नृत्यले पनि आम मनोरन्जनप्रेमीलाई लोभ्याउने भईहाल्याे ।
