विराटनगर ,६ बैशाख । बेलबारी नगरपालिका–६ सोमबारे जितपुरमा याशोक्यानी भगवती मन्दिरमा खुर्सानी हवन गरिएको छ । चैते दशैंकाे अवधिभरि विभिन्न धार्मिक कार्यक्रम तथा अनुष्ठान गरि बुधबार खुर्सानी हवन गरिएको हाे ।
साधक गोपालप्रसाद कोइरालाले यसकाे थालनी गरि प्रत्येक वर्ष हाेम गर्दै आएका छन् ।
कार्यक्रममा नेपाली कांग्रेस केन्द्रीय सदस्य तथा प्रभावशाली नेता डा.शेखर काेइराला,कांग्रेस केन्द्रीय सदस्य भीम पराजुली ,विराटनगर महानगरका मेयर नागेश काेइराला लगायत विभिन्न विशिष्ट व्यक्तिहरू कार्यक्रममा सहभागी भएका थिए ।
