विराटनगर, वैशाख ६ । बिहिबार महेश्वरी महिला मञ्च विराटनगरले एकै थलाेमा १५ जाेडीकाे सामूहिक विवाह गराएकाे छ। माेरङ्ग र झापाका १५ विपन्न जाेडीलाई मंञ्चले आज विराटनगरमा सामूहिक विवाह गराएकाे हाे ।
विराटनगरको श्री विराटेश्वर शिव मन्दिरमा वैवाहिक विधि सम्पन्न गरी बेहुला बेहुलीको संयुक्त टोली विवाह स्थल अतिथि सदन पुगेका थिए । विवाह समाराेहमा नवविवाहित प्रत्येक जाेडीलाई मञ्चले १ थान सुनको तिलहरी, चाँदीका गहना, दराज, ओछ्याउने ओढ्ने र लगाउने लत्ताकपडा समेत उपहार प्रदान गरेकाे थियाे ।
विराटनगर महानगरपालिकाका उपमेयर शिल्पा निराला कार्की साे विवाह समाराहकाे प्रमुख अथिति रहेकी थिईन् । नेपाल उद्योग परिसंघका केन्द्रिय उपाध्यक्ष भीम घिमिरे, परिसंघका कोशी प्रदेश उपाध्यक्ष रमेश राठी, उद्योग संगठन मोरङका अध्यक्ष राकेश सुराना, वरिष्ठ उपाध्यक्ष नन्दकिशोर राठी, उद्योगी चम्पालाल राठी लगाएतकाे विवाहमा उपस्थिती रहेकाे थियाे ।
माहेश्वरी महिला मञ्च विराटनगरका अध्यक्ष पुनम राठीकाे सभापतित्व र अर्चना तापडियालाई संयोजकत्वमा सामूहिक विवाह कार्यक्रम सम्पन्न भएकाे थियाे।
