विराटनगर,२१ वैशाख । कोशी प्रदेशका प्रदेश प्रमुख परशुराम खापुङ्गलाई मुख्य न्यायाधिवक्ताले वार्षिक प्रतिवेदन वुझाएका छन् ।
प्रदेश प्रमुख खापुङ्गलाई मुख्य न्यायाधिवक्ता रुपेश कोइरालाले मुख्य न्यायाधिवक्ताको काम, कर्तव्य, अधिकार र सेवाका सर्त सम्वन्धी ऐन २०७५ को दफा १२ वमोजिम कार्यालयको आर्थिक वर्ष २०७९/ ८० को बार्षिक प्रतिवेदन वुझाएका हुन् ।
प्रदेश प्रमुख खापुङ्गले प्रतिवेदन वुझ्दै लोकतन्त्र, गणतन्त्र र संघीयतालाई बलियो बनाउन विधिको शासन महत्वपूर्ण हुने भन्दै मुख्य न्यायाधिवक्ताको कार्यालयको काम कारवाहीले यस कार्यलाई मद्दत पुर्याएको बताए । उनले नेपालको संविधानले कल्पना गरे अनुसारको कार्यालयले पालिकास्तरसम्म कानुन निर्माण सम्वन्धी कार्यक्रम संचालन गर्नु महत्वपूर्ण कार्य रहेको उल्लेख गरे ।
प्रदेश प्रमुख खापुङ्गले कार्यालयले संविधान एवं प्रचलित कानून वमोजिम भूमिका निर्वाह गरेकोमा प्रंशसा समेत व्यक्त गरे ।
सो अवसरमा प्रतिवेदन पेश गर्दै मुख्य न्यायाधिवक्ता कोइरालाले प्रदेशमा कानूनको प्रभावकारी कार्यान्वयन गर्नका लागि कानूनी साक्षरता तथा कानून निर्माण क्षमता अभिवृद्धि कार्यक्रम प्रदेशका नौ जिल्लामा सञ्चालन गरेको जानकारी दिए ।
कार्यालयले आव २०७९/८० मा जिम्मेवारी सरी आएको र सोही वर्ष दर्ता भएको मुद्दा सङ्ख्या १५५ मध्ये फर्छ्र्र्यौट भएको मुद्दा ४५ र वाकी रहेको मुद्दा सङ्ख्या ११० रहेको तथ्याङ्कमा उल्लेख गरिएको छ ।
