२९ आषाढ २०८१, शनिबार
13-07-2024 , Sat

आदिवासी जनजातिको सर्वाङ्गीण विकासबाट मात्रै देशको समृद्धि सम्भव हुन्छ: नेता पराजुली

Logo
जनचर्चा संवाददाता प्रकाशित शनिबार, आषाढ ०१, २०८१

विराटनगर,असार १ । नेपाल लोकतन्त्रवादी आदिवासी जनजाति महासंघ मोरङ क्षेत्र नं. ४ को प्रथम अधिवेशन सुरु भएको छ । ग्रामथान गाउँपालिका स्थित नेताचोकमा भएको उक्त कार्यक्रमको उद्घाटन नेपाली कांग्रेसका केन्द्रीय सदस्य भीम पराजुलीले गरेका छन् । कार्यक्रममा बोल्दै पराजुलीले आदिवासी, जनजातिको सर्वाङ्गीण विकासबाट मात्रै देशको समृद्धि सम्भव हुने बताए ।

आदिवासी, जनजातिहरुको पहिचान गर्ने र उनीहरुको भाषा, कला र संस्कृतिको संरक्षण र सम्बर्धन गर्नका लागि कांग्रेसले ठूलो भुमिका खेलेको बताए । कांग्रेसलेनै आदिवासी, जनजाति उत्थान राष्ट्रिय प्रतिष्ठान स्थापना गरेको नेता पराजुलीले स्मरण समेत गरे ।

आदिवासी, जनजातिहरुलाई राज्यको कुनै पनि अवसरबाट बञ्चित हुन नदिन आवश्यक रहेको र त्यसको लागि स्वंय नागरिकहरुमा समेत चेतनाको आवश्यकता रहने बताए । उनले जनजातिहरुको पहिचान मेटिन नदिन संविधान निर्माणको बेलामा पनि नेतृत्वदायी भूमिका निर्वाह गरेको र अव पनि सोही अनुरुप अगाडि बढ्ने बतााए ।

पार्टिका हरेक गतिविधिमा सामेल भएर अधिकारप्राप्तिको बाटोमा अग्रसर बन्न उनले आग्रह गरे । उनले गुट उपगुट त्यागेर नयाँ सिरावाट कांग्रेसलाई अगाडि बढाउनुपर्नेमा जोड दिए । यस्तै नेता पराजुलीले कोशी प्रदेशले ल्याउन लागेको बजेटमा प्रतिपक्षिदलहरुलाई बाइपास गरेर ल्याउन खोजिएको भन्दै आपत्ति जनाए । मुख्यमन्त्री र नजिकका मानिसहरुलाई खुसी पार्ने खालको बजेटले जनताको अपेक्षा र भावनालाई कदर गर्न नकिने बताए ।

नेपाल लोकतन्त्रवादी आदिवासी जनजाति महासंघ मोरङका अध्यक्ष रेखबहादुर तामाङको अध्यक्षतामा भएको कार्यक्रममा नेपाली कांग्रेस कोशी प्रदेश सह-सचिव प्रमिला गच्छदार ,कांग्रेस नेता तथा पूर्व राज्यमन्त्री दीलिप गच्छदार, मोरङका कार्यवाहक सभापति भक्तिनाथ माझी,जिल्ला सचिव मोदराज घिमिरे लगायतले कार्यक्रम सफलताको सुभकामना प्रदान गरेका थिए ।

कमेन्ट गर्नुहोस्
सम्बन्धित

विराटनगर, असार २८ । कोशी अस्पतालले आफ्नो सेवामा उल्लेखनीय प्रगति हासिल गरेको छ। हालै, अस्पतालमा पहिलो पटक फेको प्रविधि प्रयोग गरी मोतियाबिन्दुको शल्यक्रिया सफलतापूर्वक सम्पन्न गरिएको छ। यो उपलब्धि अस्पतालका नवनियुक्त मेडिकल सुपरिटेन्डेन्ट डा. रविनराज सिंहको नेतृत्वमा भएको विभिन्न सुधारहरूको परिणाम हो। मोरङको ग्रामथान गाउँपालिका-६ निवासी ६७ वर्षीय भूमिप्रसाद रेग्मी यस अत्याधुनिक प्रविधिबाट लाभान्वित हुने […]

विराटनगर, असार २६। विराटनगर-२ स्थित बुढानीलकण्ठ माविले एसईई परीक्षामा उत्कृष्ट नतिजा ल्याएकी विद्यार्थी शिरिन भट्टराईलाई सम्मान गरेको छ। ४ जीपीए हासिल गरेकी भट्टराईलाई स्कुलले मंगलबार आयोजित एक भव्य कार्यक्रममा नगद रु. २५,०००, कदरपत्र र दोसल्लाले सम्मान गर्‍यो। सम्मान कार्यक्रममा बोल्दै भट्टराईले आफ्नो सफलताको श्रेय कडा मेहनत, शिक्षकहरूको मार्गदर्शन र निरन्तर अध्ययनलाई दिइन्। उनले विज्ञान संकायमा […]

मोरङ,२६ असार । कोशी प्रदेशका मुख्यमन्त्री हिक्मतकुमार कार्कीले सुनसरीको  प्राचिन हरिद्वार महाकुम्भ क्षेत्र चतराधामको वृहत विकास गरिने बताउनु भएको छ । वाह्रवर्षे पिण्डेश्वर पूर्ण महाकुम्भ मेला मूल आयोजक समारोह समिति चतराधाम सुनसरीले २०८० चैत २७ देखि २०८१ वैशाख २८ गतेसम्म निःशुल्क चार समय भोजन गराउने मारवाडी सेवा समाजका सदस्यहरुलाई  आज विराटनगरमा  सम्मान एवं प्रमाणपत्र वितरण  गर्दै […]