विराटनगर,१९ असार । लायन क्लब अफ विराटनगर इनोभेटिभको वर्ष २०२४र०२५ को अध्यक्षका लागि रन्जिता खनाल पराजुली चयन भएकी छन् । उनले हालैको हप्ता जिम्मेबारी पाएकी हुन् । उनी नेतृत्वमा आएसंगै विभिन्न सामाजिक कार्यक्रमको घोषणा गरेकी छन् । उनले सामाजिक क्षेत्रमा सक्रिय रहने उद्घोष समेत गरेकी छन् ।
उनको पहिलो कार्यक्रम अन्तरगत विराटनगर पुष्पलाल चोकमा रहेको जागृति महिला वृद्धाआश्रममा आश्रीत आमाहरुलार्य खाना तथा मिष्ठान्न भोजन गराउने काम भएको छ । यस्तै इनोभेटिभले जुलाई २ मा मानव सेवाआश्रममा भोजन, जुलाई ३ मा विपद व्यवस्थापन एवं राहत वितरण,जुलाइ ४ मा योगा,५ मा क्यान्सर विरुद्ध सचेतना,६ मा शैक्षिक सामाग्री वितरण र जुलाई ७ मा वृक्षारोपणको कार्यक्रम तय गरिएको अध्यक्ष पराजुलीले जानकारी दिइन् ।
उक्त कार्यक्रममा इमिडियेट पास्ट प्रेसिडेन्ट विजयहरि शर्मा,नेपाली कांग्रेस केन्द्रीय सदस्य भीम पराजुली,लायन इनोभेटिभकी पूर्व अध्यक्ष रिता पोखरेल, लायनका पूर्व अध्यक्ष लीला ढुङ्गेल, भीम घिमिरे, फूलकुमार लालवानी, लायन अजिता बराल, जीना श्रेष्ठ,नेपाली कांग्रेसका युवा नेता प्रविन जोशी,विनायक पन्त लगायतको सहभागिता रहेको थियो ।
