१५ भाद्र २०८२, आइतबार
31-08-2025 , Sun
Gold Silver Price (13 Bhadra 2082, Friday)
Fine Gold 1 Tola NRs. 201100
Silver 1 Tola Nrs. 2375

फाउण्डेसनले मनायो जी.पी. काेईरालाकाे जन्मजयन्ती

Logo
जनचर्चा संवाददाता प्रकाशित बुधबार, आषाढ १९, २०८१

विराटनगर, १९असार। पूर्वप्रधानमन्त्री एवं नेपाली कांग्रेसका तत्कालीन सभापति गिरिजाप्रसाद कोइरालाको १०० औँ जन्मजयन्ती आज विभिन्न कार्यक्रम गरी मनाइएको छ । जीपी कोइराला फाउन्डेसन कोशी प्रदेश , मोरङ जिल्ला तथा विराटनगर समितिले सम्युक्तरुपमा विविध कार्यक्रम गरेको हो । फाउण्डेसनले कोशी अस्पतालमा फलफुल वितरण गर्नका साथै कोइरालाको तस्विर सहित नगरका विभिन्न भागको परिक्रमा गरी फुलमाला सहित श्रद्धान्जली अर्पण गरेको छ । नेपाली कांग्रेसका केन्द्रीय सदस्य तथा कोशी प्रदेशका सांसद भीम पराजुलीको प्रमुख आतिथ्यतामा कार्यक्रम भएको थियो ।

फाउन्डेसन कोशी प्रदेशका अध्यक्ष सुधिर रेग्मी ,मोरङ जिल्ला अध्यक्ष राजकुमार मण्डल र विराटनगरका नगर अध्यक्ष प्रविन जोशी नेतृत्वमा अस्पतालका १ सय ५० जना विरामीहरूलाई फलफूल वितरण गरिएको थियो । कार्यक्रममा फाउण्डेसन मोरङका पूर्व अध्यक्ष कौशल निरौला, कोशी अस्पतालका मेडिकल सुपरिटेन्डेन्ट रविनराज सिंह, नेपाली कांग्रेसका युवा नेताहरु विनायक पन्त ,फाउण्डेशन प्रदेशको कोषाध्यक्ष शारदा मण्डल, प्रदेश सदस्यहरु चाँद इराकी, संझना पौडेल,जिल्ला सह सचिव अनुराग पाठक, सदस्य दीपक नेपाल लगायतको सहभागिता रहेको थियो ।

यसैगरी कोइरालाको जन्म शताब्दीको अवसरमा पार्टी केन्द्रीय कार्यालय सानेपामा फोटो प्रदर्शनी गरिएको छ । ललितपुरको सानेपास्थित पार्टीको केन्द्रीय कार्यालयमा बहस कार्यक्रम आयोजना गरेको छ । त्यस्तै, कोइरालाको जीवनीसँग सम्वन्धित फोटो प्रदर्शनी समेत आयोजना गरिएको छ । प्रदर्शनीको अवलोकन गर्न प्रधानमन्त्री पुष्पकमल दाहाल, एमाले अध्यक्ष केपी शर्मा ओली, कांग्रेस सभापति शेरवहादुर देउवा लगायत नेता पुगेका छन् । कांग्रेसले अन्य जिल्लामा पनि कोइरालाको जन्मजयन्तिको अवसरमा कार्यक्रम आयोजना गरेको छ ।

गिरिजाप्रसाद कोइरालाको जन्म १९८१ असार १८ गते भएको थियो । २०६२/०६३ को जनआन्दोलन र बृहत् शान्ति सम्झौतामा उल्लेख्य भूमिका खेलेका कोइराला पाँचपटक प्रधानमन्त्री हुनुभएको थियो । उहाँको २०६६ साल चैत ७ गते काठमाडौंमा निधन भएको थियो ।

कमेन्ट गर्नुहोस्
सम्बन्धित

काठमाडौं ,१४ भदौ। प्रधानमन्त्री केपी शर्मा ओली जनवादी गणतन्त्र चीनका राष्ट्रपति सी चिनफिङको मैत्रीपूर्ण निमन्त्रणामा साङ्घाई सहयोग सङ्गठन (एससिओ) शिखर सम्मेलनमा भाग लिन २३ सदस्यीय नेपाली प्रतिनिधिमण्डलको नेतृत्व गर्दै आज बिहान चीनको तियान्जिनतर्फ प्रस्थान गरेका छन् । त्रिभुवन अन्तरराष्ट्रिय विमानस्थलको अतिविशिष्ट कक्षमा प्रधानमन्त्री ओलीलाई उपप्रधानमन्त्री एवं सहरी विकासमन्त्री प्रकाशमान सिंह, गृहमन्त्री रमेश लेखक, परराष्ट्रमन्त्री डा आरजु […]

विराटनगर, १३ भदौ – कोशी प्रदेश सरकारले प्रदेशसभाबाट पारित गर्ने तयारी गरेको ‘प्रदेश आमसञ्चार सम्बन्धी व्यवस्था गर्न बनेको विधेयक, २०८१’ होल्ड भएको छ। प्रेस स्वतन्त्रता विरोधी प्रावधानसहितको विधेयक कोशी सरकारले ल्याएपछि पत्रकार र सञ्चारसम्बद्ध संघ संस्थाहरु आन्दोलनमा उत्रेका थिए। पत्रकारहरूको आन्दोलनपछि मुख्यमन्त्री हिक्मतकुमार कार्कीसँग तत्काल विधेयक अघि नबढाउने विषयमा छलफल भएको नेपाली कांग्रेस कोशी प्रदेश […]

विराटनगर,१४ भदौ । फोहोरमैला व्यवस्थापनका लागि कोशी प्रदेश सरकार र स्थानीय तहबीच संझौता भएको छ । मोरङ जिल्लाका चार तथा इलामका दुई स्थानीय तहबीच सम्झौता भएको हो । कोशी प्रदेश सरकार भौतिक पूर्वाधार विकास मन्त्रालय, विराटनगर र रङ्गेली नगरपालिका, सुनवर्षी नगरपालिका, कानेपोखरी गाउँपालिका तथा धनपालथान गाउँपालिकाबीच फोहोरमैला व्यवस्थापन रणनीतिक साझेदारी कार्यक्रमबारेको समझदारीपत्रमा हस्ताक्षर भएको हो । […]