विराटनगर, असार २६। विराटनगर-२ स्थित बुढानीलकण्ठ माविले एसईई परीक्षामा उत्कृष्ट नतिजा ल्याएकी विद्यार्थी शिरिन भट्टराईलाई सम्मान गरेको छ। ४ जीपीए हासिल गरेकी भट्टराईलाई स्कुलले मंगलबार आयोजित एक भव्य कार्यक्रममा नगद रु. २५,०००, कदरपत्र र दोसल्लाले सम्मान गर्यो।
सम्मान कार्यक्रममा बोल्दै भट्टराईले आफ्नो सफलताको श्रेय कडा मेहनत, शिक्षकहरूको मार्गदर्शन र निरन्तर अध्ययनलाई दिइन्। उनले विज्ञान संकायमा अध्ययन गर्ने तयारी गरेकी छिन् । उनले भविष्यमा चिकित्सक बन्ने लक्ष्य राखेकी छिन्
बुढानीलकण्ठ माविका प्रिन्सिपल मणिराज भट्टराईका अनुसार, स्कुलबाट एसईई दिएका ८९ जना विद्यार्थीमध्ये सबै उत्तीर्ण भएका छन्। ३७ जनाले ३.६ भन्दा माथि, ३८ जनाले ३.२ भन्दा माथि, र १४ जनाले २.८ भन्दा माथिको जीपीए प्राप्त गरेका छन्। स्कुलले आफ्नो निरन्तर उत्कृष्ट नतिजाको श्रेय सक्षम नेतृत्व, कुशल व्यवस्थापन, उत्कृष्ट शैक्षिक वातावरण र मेहनती शिक्षकहरूलाई दिएको छ। यस वर्षको नतिजाले बुढानीलकण्ठ मावि गुणस्तरीय शिक्षामा अग्रणी रहेको पुष्टि गरेको छ।
