विराटनगर, साउन २ । साहित्य तथा समाजसेवाका अग्रणी व्यक्तित्व भैरोदान सुरानाको ९१ वर्षको उमेरमा निधन भएको छ। वि.स. १९९३ मंसिरमा विराटनगरमा जन्मिएका सुराना मध्यम कदका, दाह्री पालेका र मिठो बोली भएका व्यक्तिका रूपमा चिनिन्थे।
हिन्दु विश्वविद्यालय बनारसमा अध्ययन गरेका सुरानाका ६ वटा कृतिहरु प्रकाशित छन्। उनका बुबा मैताव चन्द सुराना नामोद जुट व्यवसायी थिए र उनले पनि बुबाको व्यवसायमा सहयोग गरेका थिए।
धर्म र अध्यात्ममा गहिरो आस्था राख्ने सुरानाले आफ्नो जीवनकालमा साहित्य र समाजसेवामा महत्वपूर्ण योगदान दिएका थिए। उनका तीन छोरा पवन, अशोक र अरुण, तीन छोरी तथा श्रीमती रहेका छन्।
लामो समयदेखि स्वास्थ्य समस्याबाट ग्रसित सुरानाको बुधबार मध्यान्ह विराटनगरस्थित आफ्नै निवासमा निधन भएको हो। उहाँको पार्थिव शरीरलाई बुधबार साँझ रम विश्रान्ती घाट हाटखोलामा अन्तिम संस्कार गरिएको छ।
सुरानाको निधनले नेपाली साहित्य तथा समाजसेवा क्षेत्रमा अपूरणीय क्षति भएको छ।
