विराटनगर, साउन १९ । विराटनगरको अरनिको आवाशिय माध्यमिक विद्यालयले उत्कृष्ट शैक्षिक संस्था सम्मान प्राप्त गरेको छ। चन्द्रलोक प्रतिष्ठान काठमाडौंले केहि समयअघि रसियन कल्चर सेन्टरमा आयोजित कार्यक्रममा यो सम्मान प्रदान गरेको हो।
नेकपा एकीकृत समाजवादीका अध्यक्ष माधवकुमार नेपाल, नेपाली कांग्रेसका सांसद अर्जुन नर्सिङ केसी र प्रतिष्ठानका अध्यक्ष सिताराम कार्कीले विद्यालयका प्रिन्सिपल राजेश कार्कीलाई सम्मान हस्तान्तरण गरे।
२०३३ सालमा स्थापित यो विद्यालय कोशी प्रदेशको पहिलो र नेपालको आठौं उत्कृष्ट शैक्षिक संस्था बन्न सफल भएको छ। प्रतिष्ठानका अध्यक्ष कार्कीले विद्यालयले देशभक्त, आदर्शवान र नैतिकवान शैक्षिक जनशक्ति उत्पादनमा निरन्तर अग्रणी भूमिका निर्वाह गरोस् भन्ने उद्देश्यले यो सम्मान प्रदान गरिएको बताए।
