विराटनगर, साउन २२ । विराटनगरको पोखरीया माविले कक्षा १२ को परीक्षामा उत्कृष्ट नतिजा हासिल गरेको छ। राष्ट्रिय परीक्षा बोर्डले सार्वजनिक गरेको नतिजा अनुसार, विद्यालयका ७५.४५% विद्यार्थी उत्तीर्ण भएका छन्। कुल ३३३ परीक्षार्थीमध्ये २४९ जनाले ग्रेड प्राप्त गरेका छन्।
विद्यालयका प्रधानाध्यापक खेमराज भट्टराईका अनुसार, ११ जना विद्यार्थीले ३.६ भन्दा माथिको जीपीए हासिल गरेका छन्। त्यसैगरी, ७३ जनाले ३.२ देखि ३.६ सम्मको, ८८ जनाले २.८ देखि ३.२ सम्मको, ६८ जनाले २.४ देखि २.८ सम्मको, र ९ जनाले २.० देखि २.४ सम्मको जीपीए प्राप्त गरेका छन्।
पोखरीया माविले पछिल्लाे समय आफूलाई गुणस्तरीय शिक्षाको केन्द्रको रूपमा स्थापित गर्दै आएकाे छ। यो एक सामुदायिक विद्यालय हो जसले प्रवेश परीक्षाको माध्यमबाट विद्यार्थी छनौट गर्दछ। विद्यालयमा कक्षा १२ सम्म पढाइ हुन्छ र अंग्रेजी माध्यमको शिक्षा पनि उपलब्ध छ। कक्षा ११ र १२ मा विज्ञान, व्यवस्थापन र शिक्षा विषयहरू पढाइन्छन्।
