०७ फाल्गुण २०८१, बुधबार
19-02-2025 , Wed
Gold Silver Price (7 Fagun 2081, WED)
Fine Gold 1 Tola NRs. 171000
Silver 1 Tola Nrs. 2000

झापामा महिला उद्यमीकाे ‘तीज विषेश कार्यक्रम’ सम्पन्न

Logo
जनचर्चा संवाददाता प्रकाशित बिहिबार, भाद्र २०, २०८१

झापा, भदौ २० । झापाका महिला उद्यमीहरुले हरितालिका तीज पर्वको अवसर पारेर बिर्तामोडमा ‘तीज विषेश कार्यक्रम’ सम्पन्न गरेका छन् ।
बिर्तामोड उद्योग वाणिज्य संघ अन्तरगत रहेको महिला उद्यमी समूहले अतिथि सदनमा ‘तीज विशेष कार्यक्रम’ सम्पन्न गरेका हुन् ।  झापाका प्रमुख जिल्ला अधिकारी बन्धुप्रसाद बास्तोलाको प्रमुख आतिथ्य तथा महिला उद्यमी समूहकी अध्यक्ष राधिका चुडाल हुँमागाईको अध्यक्षतामा कार्यक्रम भएको हो ।
कार्यक्रमको अवसर पारेर महिला अधिकारकर्मीसहित महिला उद्यमीलाई सम्मान गरिएको छ ।  अधिवक्ता लक्ष्मी खनाल कोइराला ( नारी सम्मान) र महिला उद्यमी शर्मिला अधिकारी (युवा महिला प्रोत्साहन पुरस्कार)  प्रदान गरिएको थियो । उनीहरुलाई कार्यक्रमका प्रमुख अतिथि प्रमुख जिल्ला अधिकारी बास्तोला, विशेष अतिथि बिर्तामोड उद्योग वाणिज्य संघका अध्यक्ष राजु न्यौपाने सहितले सम्मान गरेका थिए ।
बिर्तामोड उद्योग वाणिज्य संघकी निर्बतमान महिला उपाध्यक्ष नैनकला भट्टराईले स्वागत गरेको कार्यक्रममा  भद्रपुर नगरपालिकाकी पूर्व उपप्रमुख चन्द्रा श्रेष्ठ, एवीसी नेपालकी अध्यक्ष कञ्चना ढकाल सिटौला, नेपाली कांग्रेसकी नेतृ रञ्जीता कार्की लगायतले शुभकामना दिएका थिए । यसैबीच महिलाहरुलाई सामुहिक रुपमा दर समेत खुवाइएको थियो ।
सञ्चारकर्मी तथा महिला उद्यमी समूहकी महासचिव लीला अनमोलले सञ्चालन गरेको कार्यक्रममा उद्योग बाणिज्य महासंघका केन्द्रिय सदस्य उमेश डालमिया,बिर्तामोड उद्योग वााणिज्य संघका निवर्तमान अध्यक्ष प्रकाश शिवाकोटी, नेपाल पत्रकार महासंघ झापा शाखाका अध्यक्ष एकराज गिरी, मेची आँखा अस्पतालका अध्यक्ष जलकुमार गुरुङ, नेपाल अलैंची ब्यवसायी महासंघका केन्द्रिय अध्यक्ष निर्मल भट्टराई, सामाजिक ब्यक्तित्व पार्वता गिरी, लीला मैनाली, लगायतको आतिथ्य रहेको थियो ।
त्यस्तै तीज बिशेष कार्यक्रममा बिर्तामोडका बिभिन्न महिलाहरुका संघ÷संगठनका प्रमुख तथा प्रतिनिधि, सामाजिक संघ÷संगठनका प्रमुख तथा प्रतिनिधिलगायतको समेत उपस्थिति रहेको थियो ।
कार्यक्रमकै बीच महिला उद्यमी समूहकी सदस्य कविता पोखरेलले आफ्नो जन्मोत्सवको अवसर पारेर ‘व्यवसायी राहत कोष’का लागि ११ हजार रुपैयाँ प्रदान गरेकी थिइन् । बिर्तामोड उद्योग वाणिज्य संघले एक करोड रुपैयाँको व्यवसायी राहत कोष स्थापना गरेको छ ।

कमेन्ट गर्नुहोस्
सम्बन्धित

काठमाडौं ,७ फाल्गुन । पूर्वराजा ज्ञानेन्द्र शाहले राष्ट्र जोगाउन, राष्ट्रिय एकता कायम राख्न, देशको समृद्धि र उन्नतिका निमित्त साथ दिन सबै देशवासीहरुलाई आह्वान गरेका छन् । प्रजातन्त्र दिवसको पूर्वसन्ध्यामा एक भिडिओ सन्देश जारी गर्दै पूर्वराजा शाहले भनेका छन्, ‘राष्ट्र रक्षाको निम्ति सबैको अनुशासन र इमान्दार प्रयत्न हुनु पर्दछ । हामीले पहिले पनि राष्ट्रिय समस्या सुल्झियोस भनेर […]

विराटनगर ,६ फाल्गुन ।  कोशी प्रदेशको राजधानी विराटनगरमा आयोजना गर्न लागिएको नवौं संस्करणको विराट गोल्डकप फुटबल प्रतियोगिताको तयारी तीव्र पारिएको छ । प्रतियोगितामा दुई वटा भारतीयसहित १० वटा टिम सहभागी हुने पक्का भएको छ । विराटनगरमा सोमबार पत्रकार सम्मेलनमार्फत भारतका दुई र नेपालका विभागीयसहित आठ वटा गरी प्रतियोगितामा १० वटा टिमको सहभागिता रहने जानकारी दिइयो […]

विराटनगर, ६ फाल्गुन । नेकपा (माओवादी केन्द्र) कोशी प्रदेश समितिले आगामी फागुन १२ गतेदेखि सुरु हुने ‘जनतासँग माओवादी, तराई–मधेश जनजनगरण अभियान’का क्रममा अन्य पार्टीका हजारौं कार्यकर्ता भित्र्याउने दाबी गरेको छ । कोशी प्रदेश परिषद बैठकको निर्णय सार्वजनिक गर्न सोमबार विराटनगरमा आयोजित पत्रकार सम्मेलन गर्दै माओवादी केन्द्र कोशी प्रदेशले यस्तो दाबी गरेको हो । उक्त अभियान […]