विराटनगर,असोज २७
यस वर्षको दसैँमा विराटनगरको कञ्चनवारी चौकमा रहेको मनोज फ्रेस हाउसले ५ सय वटा खसी काटेको छ । फ्रेस हाउसका संचालक मन्टुरा राजंवशीले दशै ताका २० देखि २८ किलोसम्मको ५ सय वटा खसी काटेर बिक्रि गरेको बताएका छन् ।
त्यस्तै कञ्चनबारी चौकमै रहेको चौधरी फ्रेसहाउसले दशैँ ताका २ सय वटा खसीको मासु बिक्री गरेको छ । सोही ठाँउका गोर्खाली र भीआइपी फ्रेस हाउसले एक सयभन्दा बढी खसीको मासु बिक्री गरेको बताईएको छ ।
यी सवै फ्रेस हाउसले नेपालभित्रैबाट खसी सकंलन गरी ल्याउने गर्दछन् । नेपालको खसी मासु भारतको भन्दा स्वादिलो हुने भएकाले प्राय विराटनगरवासी कञ्चनवारीकै फ्रेस हाउसवाट मासु चिन्न रुचाउछन् । विराटनगरका अन्य ठाँउका फ्रेस हाउसले प्राय भारतबाट खसी किनेर ल्याउने गरेका छन् ।
सोही कारण अहिले विराटनगरको कञ्चनवारी चौक खसीको मासुका लागि चर्चित बनेको छ । हाल कञ्चनवारी चौकमा खसीको मासु खरिद गर्न ग्राहकहरूले दिनभरि लाइन बस्दा पनि मासु पाउन गाह्रो हुने गरेको छ ।
जनचर्चा मिडिया पशु बद र हिंसाको पक्षमा नरहेको स्पष्ट पार्दछ ।
