विराटनगर, मंसिर १४
जिल्ला प्रहरी कार्यालय मोरङको फेसबुक पेज ह्याक भएको छ । मोरङ प्रहरीको फेसबुक पेज ‘डिष्ट्रिक्ट पुलिस अफिस मोरङ’ बाट ह्याकरले केहि दिनदेखि स्पेनिश र रसियन भाषाका फिल्महरू लाइभ गर्दै आएका छन् ।
उक्त पेजबाट प्रहरीले दैनिकजसो हुने घटनाबारे सूचना प्रवाह गर्दै आएको थियो । १५ हजार बढीको लाइक र २९ बढीले फलो गरेको प्रहरीको फेसबुक पेज ह्याक भएपछि मोरङ प्रहरीले गत आइतबार यता कुनै पनि सामग्री पोष्ट गर्न सकेको छैन ।
उक्त विषयमा केन्द्रीय साइबर अपराध अनुसन्धान ब्यूरोले अनुसन्धान थालनी गरिसकेको प्रहरी स्रोतले जनाएको छ ।
