विराटनगर, चैत १०
विराटनगरस्थित “हाम्रो नेपाल होस्टेल”ले आवश्यक परे हाेस्टलकाे भवन क्वारेन्टाइनका लागी प्रयोग गर्न प्रदेश १ सरकारलाई भनेको छ । होस्टेलका संचालक राकेश यादवले क्वारेन्टाइन प्रयोजनको लागी हस्टेल निशुल्क उपलब्ध गराउने घोषणै गरेको छन् ।
आइतवार यादवले प्रदेश सरकारको समाजिक विकास मन्त्री जिवन घिमिरेलाई भेटेरै उक्त घोषणा पत्र हस्तान्तरण गरेका थिए । कोरोनासँग लड्न भौतिक पूर्वाधार आवश्यक भएमा १६ वटा कोठा भएको “हाम्रो नेपाल होस्टेल” निशुल्क उपलब्ध गराउने यादवले मन्त्री घिमिरेसँग जिकिर गरे ।
यावद भन्छन् ‘यस महामारी विरुद्धको महाअभियानमा काधमा काध मिलाई अगाडी बढ्ने दाइत्व बोध गर्दै र कोरोना विरुद्ध लड्न यहाँको मेडिकल पूर्वाधारले मात्रै नपुगे त्यसका लागि होस्टेल प्रयोग गर्न दिने घोषणा गरेका हुँ ।’
समाजिक कार्य गर्न रुचाउने यादव समाजवादी पार्टिका विद्यार्थी नेता समेत हुन् ।
