विराटनगर, वैशाख १६
लकडाउनको मौका छोपी मधु क्यामिकल कम्पनीले लुकीछीपछि गुट्का उत्पादन गर्दै आएको छ । सरकारले अत्यावश्यक उपोभोग्यबाहेकका सबै उत्पादनहरु बन्द गर्न निर्देशन दिएतापनि यस गुट्का कम्पनीले निर्बाध रुपमा गुट्का उत्पादन गर्दै आएको छ । मधु क्यामिकलले “पान महेक” नाम गुट्का उत्पादन गर्दै आएको छ । उक्त गुट्का उद्योग मोरङको विराटनगर महानगरपालिकामा अवस्थित छ । तर उद्योगको संचालक भवनी बोहोराले हाल उद्योगमा नभएर लुकीछपी गुट्का उत्पादन गर्दै आएको स्रोत बताउँदछ ।
अन्तरशुल्क पनि छल्दै
हाल अन्तरशुल्क स्टीकर दिने निकायहरु बन्द छन् । गुट्का उद्योगले गुट्का विक्रि गर्नुभन्दाअघि प्रति प्याकेटमा अन्तरशुल्क स्टीकर अनिवार्य रुपमा टास्नुपर्दछ । एउटा अन्तरशुल्क स्टीकरको ७ देखि १० रपैयाँसम्म पर्दछ । उक्त स्टीकर समेत टाँस नगरी “पन महेक” गुट्का हाल मोरङ तथा आसपासका जिल्लामा विक्रि वितरण भईरहेको छ ।
उक्त विषयमा राजस्व कार्यलय तथा सिडियो कार्यलयजस्ता नियामक निकायहरु अनविज्ञ र मौन छन् । उक्त उद्योगका संचालक भनवी बोहरालाई तत्काल पक्राउ गरी आवश्यक छानवीन गर्न जरुरी देखिएको छ ।
