२९ आश्विन २०८२, बुधबार
15-10-2025 , Wed
Gold Silver Price (28 Ashoj 2082, TUE)
Fine Gold 1 Tola NRs. 249000
Silver 1 Tola Nrs. 3340

हावा गफ दिएर अरुलाई मख्ख बनाउने विराटनगरका मेयर

Logo
प्रकाशित बुधबार, बैशाख १७, २०७७

विराटनगर, वैशाख १७ 
विराटनगर महानगरपालिकाका प्रमुख भिम पराजुलीको पछिल्लो समय विभिन्न कारणहरूबाट पटक–पटक आलोचित बन्दै आइरहेका छन् । कोभिड १९ का बिमारीलाई उपचारमा सहयोग पुग्ने भन्दै कोशी अस्पताललाई हस्तान्तरण गरिएको रोवर्ट तथा सरकारले गरेको लकडाउन घोषणा गरेपछि विराटनगरमा अलपत्र परेका मानिसलाई काठमाडौँ पठाउँदा नागढुगांमा मानिस अलपत्र बनेपछि मेयर पराजुलीको आलोचना हुन थालेको हो ।

विराटनगरबाट काठमाडौँ हिँडेका मानिसको अलपत्र भएको घटना सार्वजनिक भएपछि मेयर पराजुलीले काठमाडौँबाट विराटनगर आउन चाहने विराटनगरवासीले धमाधम आफ्नो नाम काटेपछि काठमाडौँ पुगेको गाडी रित्तै विराटनगर फर्किएका छन् । समाचारस्रोतले दिएको जानकारीअनुसार मेयर पराजुलीले चुनाव जिते यता कुनै पनि नयाँ कार्यक्रम ल्याउन नसक्दा सधैँ आलोचित बन्दै आइरहेका छन् ।

गोपाल रेग्मी तत्कालीन महानगरका कार्यकारी अधिकृत भएका बेला ल्याइएको एडीबीको कार्यक्रमलाई आफ्नो कार्यक्रम भनेर पराजुली प्रचार गरेको उनलाई आरोप लाग्ने गरेको छ । तत्कालीन विराटनगर उपमहानगरको इतिहासमा महानगरको नेतृत्व गरेका अशोक कोइराला, रमेशचन्द्र पौडेलहरू काम गर्न नसकेर अहिलेसम्म पनि राजनीतिमा माथि उक्सन सकेका छैनन् । मेयर पराजुलीको पनि हविगत त्यस्तै हुने अवस्था आएको स्थानीयहरूले बताएका छन् ।

मेयर पराजुलीको निकट रहेका एक जानकारले बाल्यकालदेखि नै काम नगरे पनि हावा गफ दिएर भए पनि अरुलाई मख्ख बनाउने क्षमता पराजुलीमा भएको दाबी गरे । मेयर पराजुली विराटनगरमा कहिले १० रूपैयाँको भरपेट भात खुवाएर त कहिले टाइसुट लगाएर हिलोमा डुंगा तानेर पटक–पटक चर्चामा आउने गरेका छन् ।

पराजुली मेयर भएपछि नगरपालिकामा संकलित राजस्व र केन्द्र एवं प्रदेश सरकारले दिने अनुदानबाहेकका बजेटका कार्यक्रम कुनै ल्याउन सकेका छैनन् । उनले ल्याएको फ्री वाइफाइ जोन कार्यक्रम कहाँ पुग्यो कुनै नगरवासीसमेत जानकार छैनन् । अहिलेसम्म पनि उनले घोषणा गरेका सबै स्थान फ्री वाइफाइ जोन भएका छैनन् । कतै भएका भए पनि अहिले बिग्रेभत्केको अवस्थामा रहेका छन् । रंगशालामा राखिएको वाइफाइको राउटरले काम गर्दैन । राजवंशी चोकको पार्कमा राखिएको वाइफाइको राउटर चोरी भएको छ । ट्राफिक चौकमा राखिएको वाइफाइको पैसा सकिएको महानगर स्रोतले बताएको छ ।

आर्थिक दैनिकबाट

कमेन्ट गर्नुहोस्
सम्बन्धित

इटहरी, असाेज २८। जिल्ला प्रहरी कार्यालय सुनसरीका कार्यालय प्रमुख एसपीले चलाउँदै आएको ह्वाट्सएप ह्याक भएको छ। ह्याकरले एसपीको ह्वाट्सएप प्रयोग गरी उनका चिनजानका व्यक्तिहरूलाई पैसा माग्ने गरेको पाइएको छ। ह्याकरले एसपीको नाममा उनका चिनजानकालाई सन्देश पठाउँदै अतिआवश्यक परेको भन्दै रकम माग गरेको पाइएको हो। जिल्लाका एसपी केशवकुमार थेबेले यसबारे जानकारी दिँदै केहि दिनअगाडि आफ्नो ह्वाट्सएप […]

काठमाडौँ २८ आश्विन  । नेपालबाट सरदर समयभन्दा आठ दिन ढिला गरी मनसुन बाहिरिएको छ। मौसम पूर्वानुमान महाशाखाका मौसमविद् सञ्जिव अधिकारीकाअनुसार मनसुन सरदर अक्टोर २ मा बाहिरिनु पर्ने भए पनि आठ दिन ढिला गरी शुक्रबार (अक्टोबर १० अर्थात असोज २४ गते)का दिन नेपालबाट बाहिरिएको हो। यस वर्ष नेपालमा १५ दिन अगावै (मे २९) मनसुन नेपाल भित्रिएको […]

विराटनगर,२४ असोज । सुदन गुरुङ नेतृत्वको जेनजीका सातै प्रदेशका संयोजकहरूले सुशिला कार्की नेतृत्वको सरकारलाई जेनजीकाे म्यान्डेटभन्दा बाहिर नजान  खबरदारी गरेका छन्। साे समूहकाे प्रदेशका संयोजकहरूले सयुक्त विज्ञप्ती जारी गरी साे कुरा बताएका हुन् । भदौ २३-२४ मा भएको भ्रष्टाचार विरुद्धको विद्रोहपछि गठित सरकारका सकारात्मक कार्यलाई समर्थन गर्ने तर विद्रोहको म्यान्डेटभन्दा बाहिर गए खबरदारी गर्ने उनीहरूले […]