विराटनगर ,फागुन १०
बहुप्रतीक्षित मेलम्ची खानेपानी आयोजनाको साढे २६ किलोमिटर सुरुङमा आजदेखि पानी भरेर परीक्षण सुरु गरिँदै छ । मेलम्ची खानेपानी विकास समितिले परीक्षणका लागि आवश्यक सम्पूर्ण प्राविधिक काम पूरा भइसकेको बताएको छ ।
खानेपानी मन्त्री मणि थापाले आज बिहान ११ बजे उक्त सुरुङमा पानी हाल्ने कामको उदघाटन गर्ने कार्यक्रम रहेको छ । सिन्धुपाल्चोकको मेलम्ची खोलादेखि काठमाडौंको सुन्दरीजलसम्म रहेको उक्त सुरुङ भर्न करिब २० दिन लाग्नेछ ।
गत असारमा उक्त सुरुङमा पानी भरेर परीक्षण गरिएको थियो तर तर हेलुम्बु गाउँपालिका–१ स्थित अम्बाथानको अडिटको मुख्य गेट (नं १७) फुटेर निस्केको पानीले आयोजनाका एक इन्जिनीयर र चालकलाई बगाएको थियो । त्यस्तै दुर्घटना फेरी नहोस् भनेर आयोजनाले उद्धारका लागी यस पटक हेलिकप्टरलाई तयारी अवस्थामा राखिएको छ । परीक्षण पहिलो चरणमा पुर्ण क्षमताअनुसार पानी नछोड्ने आयोजनाले जनाएको छ ।
