विराटनगर, चैत्र ६
चैत २६ गतेदेखि बैशाख ४ गतेसम्म छैटौं संस्करणको विराटगोल्ड कप आयोजना हुने भएको छ । विराटनगरस्थित शहीद रंगशालामा हुने रात्रीकालिन उक्त प्रतियोगितामा देश बिदेश गरी १० टिमको सहभागी रहने छ ।
गोल्डकप प्रतियोगितामा नेपाल, भारत र क्यामरुनका दश टिमहरु सहभागीता रहने आयोजक समितिका संयोजक मनोज बिक्रम शाहले जानकारी दिएका छन् ।
प्रतियोगितामा एक करोड २५ लाख रुपिँया लागत अनुमान गरिएको आयोजक समीतीले जनाएको छ । प्रतियोगिताका विजेतालाई १५ लाख १५ हजार, उपविजेताले ७ लाख ५१ हजार नगद पुरस्कारसहित कप तथा शिल्ड को व्यबस्था रहेको छ । त्यस्तै म्यान अफ द म्याचलाई १५ हजार नगद र सर्वोकृष्ट प्रशिक्षक, गोलकिपर, मिल्ड फिल्डर, डिफेन्स, फरवार्ड, सर्वाधिक गोलकर्ता, व्यवस्थापक र फेयर प्ले अवार्डलाई जनही २५–२५ हजार पुरस्कार प्रदान गरिन संयोजक शाहले जानकारी दिएका छन् ।
