विराटनगर, भाद्र २
जिल्ला प्रहरी कार्यालय मोरङले गत शुक्रवार विराटनगर महानगरपालिका क्षेत्रका आधा दर्जन होटल लजमा छापा मर्यो । त्यसक्रम प्रहरीले २७ जोडीलाई शङ्कास्पद अवस्थामा होटल तथा लजको कोठामो फेला पारेका थियो । लगतै प्रहरीले उनीहरुलाई तत्काल नियन्त्रणमा लिई अनुसन्धान शुरु गरेको थियो ।
अनुसन्धानको क्रममा फेला परेका केही जोडीहरुको सम्बन्ध केलाउदा प्रहरीहरु समेत चकित परे । प्रहरीका अनुसार एक जोडी नातामा सम्धी–सम्धिनी पर्ने समेत थिए । त्यस्तै एक जोडी कलेज ड्रेसमा भेटिएका थिए । उनीहरू प्रेमी–प्रेमिका रहेको खुलेको छ । त्यस्तै धरानका एक युवाले काठमाडौंदेखि एक किशोरीलाई आवत–जावत हुने गरी हवाईजहाजको टिकट काटेर विराटनगर ल्याएका थिए । ति जोडीमा युवा विवाहित र किशोरी भने अविवाहित थिए ।
अनैतिक क्रियाकलाप बढेको जनगुनासो आएपछि मोरङ प्रहरीले लामो समयपछि शुक्रवार विराटनगरका अधिकांश होटल तथा लजहरूमा छापा मारेको थियो । पक्राउ परेका सबै जोडीहरुलाई पहिलो चोटका लागी सचत गराएर छोडेको छ ।
