विराटनगर, मंसीर २२
निरज बस्नेत
विराटनगर–३ निवासी राष्ट्रप्रेमी युवा समाजसेवी रवि रिजालको हिन्दू धर्मको संरक्षणमा विशेष अग्रसरता देखिएको छ । हिजो के थियो, त्यो ईतिहास बनिसकेको छ । तर, आज रिजाल आफैमा समाजसेवाको पर्याय बनिसकेका छन् ।
रविका हजुरवुवा नेपालका पूर्व प्रधानमन्त्री भइसकेका व्यक्तित्व हुन् , जसको नाम स्व. नागेन्द्र प्रसाद रिजाल हो । जसको योगदान नेपाली राजनीतिमा अतुलनीय छ ।
यहाँ स्व. नागेन्द्रको प्रसंसा गर्नु त खासै जरुरी त थिएन, तरपनि प्रसंग हिन्दू धर्मसँग सम्वन्धित भएको कारण उठान गरिएको हो । स्व. नागेन्द्र विश्व हिन्दू महासंघका संस्थापक अध्यक्ष समेत थिए । नेपालमा हिन्दू राष्ट्रको पहिचान स्थापित गर्नमा स्व. नागेन्द्रको जसरी महत्वपूर्ण भूमिका छ । आज उनकै पथलाई पछ्याउँदै उनकै नाती रवि पनि हिन्दूत्वको मार्गतर्फ एककदम अगाडी बढेका छन् । यसमा रविसँगै उनकी अर्धागिंनी आराधना पुडासैनी रिजाल पनि काँधमा–काँधमा मिलाई होस्टेमा हैंसेको गतिमा साथ निभाइरहेकी छिन् ।
यो रिजाल परिवारमा एकप्रकारको हिन्दू धर्मप्रतिको अन्तरमनको लगाव त छदैछ साथमा अन्य धर्म मान्नेहरुप्रति पनि गहिरो सद्भाव छ । सुनसरीको चतराधाम स्थापना हुनुमा समेत यो परिवारको अविस्मरणीय योगदान रहेको पाइन्छ ।
