विराटनगर, मंसिर २७
दिनेश खड्का
विराटनगरको लक्ष्मी फेसन स्टोरमा ग्राहकहरुको अस्वभाविक भिड बढीरहेको छ । मुख्य बजार ट्राफिक चौकमा रहेको उक्त लुगा पसलले अन्य पसलभन्दा आधा दाममा लुगाफाटा विक्रि गरेपछि उक्त पसलमा ग्राहकको आकर्षण बढेको हो ।
स्टोरको संचालिका लक्ष्मी लिम्बु हुन् । बिहान ८ बजे पसल खोलेपछि लिम्बु दिउँसोको खाना खान समेत भ्याउदिनन् । उनले स्टोरको कपडाहरु टिकटक फेसबुकजस्ता सोसल मिडियाबाट प्रमोट गरिरहेकी हुन्छिन् । तर सोसल मिडियाबाट मात्र ग्राहक ह्वात ह्वाती आएको भने होइन । लिम्बु एक स्मार्ट विजनेश वुमन हुन् । उनले पसलमा विजनेशका केही सामान्य शिद्धान्तहरु प्रयोग गरी ग्राहकलाई आकृष्ट पारिरहेकी छन् । उनले “लो मार्जिन हाई सेल्स”को सिद्धान्तको प्रयोग गरी ग्राहकलाई लोभ्याईरहेकी छिन् । कपडामा १ सय प्रतिशतदेखि ५ सय प्रतिशतसम्म प्राय व्यापारीहरुले मार्जिन राख्ने गरेका हुन्छन तर लिम्बुले भने कुनै पनि कपडामा १० देखि २० प्रतिशतभन्दा माथि मार्जिन राख्ने गरेकी छैनन् । सोही कारण पनि उनको पसलमा लुगाफाटाको मुल्य निकै नै सस्तो पर्न जान्छ ।
लक्ष्मी फेसन स्टोर अहिले विराटनगरको एक नम्बर कपडा विक्रि गर्ने पसल बनेको छ । सो स्टोर कर कार्यलय अगाडि रहेको गल्ली भित्र छ । तर विराटनगरको बजारको मुख्य सडकमै रहेको लुगा पसलहरुलाई गल्लीको लक्ष्मी स्टोरले मात दिईरहेको छ । सो स्टोरमा दैनिक दुई सयभन्दा बढी ग्राहक आउने गरेको बुझिएको छ । लक्ष्मी फेसनले बजारमा रहेका कपडा पसलहरुलाई मात्र हैन विराटनगरका भाटभटेनी र सेन्ट्रलमल जस्ता ठुला सपिङ कम्पेक्सलाई समेत कपडा बेच्ने मामलामा पछि छोडेको छ ।
साेसल मिडियामा लक्ष्मीले प्रद्धर्शन गरेका लुगाका भिडियाेहरु प्राय भाईरल छन् । देशैभरीबाट उनलाई चिन्नेहरु लुगाफाटाहरु खरिद गर्न उनकाे पसलमै समेत आइपुग्द छन् । उनले अनलाईनमार्फत पनि कपडाहरु बिक्री गर्दै आएकी छिन् । स्टाेरमा भाैतिकरुपमै ग्राहकहरुकाे चाप बढीरहेकाले उनलाई अनलाईन डेलिभरी दिन समेत हम्मेहम्मे परी रहेकाे छ ।
