विराटनगर, पुष ७
निरज बस्नेत
विराटनगरमा दुइवटा नम्वर अंकित रु १० को नोट फेला परेको छ । खासमा प्रत्येक नोटमा एउटै नम्वर हुनुपर्छ । नोटको दायाँ–बायाँ सिरियल नम्वर अनुसार एउटै नम्वर हुनैपर्छ । अन्यथा भएमा त्यो नोट मान्य हुदैन । जुन कुराको जानकारी कानुनका ज्ञाता राज बस्नेत बताउँछन् ।
बस्नेतका अनुसार फरक नम्वर भएको यस्तो नोट चलनचल्तीमा ल्याउनु पनि कानुनतः अपराध मानिन्छ । जानाजान यसरी कसैले यस्तो काम गरेमा प्रचलित कानुन बमोजिम सजायको भागीदार बन्नुपर्ने हुन्छ ।
सामान्यतया नोटमा अंकित नम्वर दुवैतर्फ(दायाँ–बाया) सही छ की गलत छ यस्तो हेर्ने कसैलाई फूर्सद नै देखिदैन । या भनौ प्रायः ले जरुरी नै सम्झिदैनन् । मूलतः आफूले प्रयोगमा ल्याएको नोट के कस्तो छ, व्यक्ति आफै चनाखो भएर हेर्नुपर्ने हुन्छ ।
रु १० को नोट सामान्य जस्तो लागेतापनि यसलाइ हलुका नै सम्झिहाल्नुचाही हुन्न भन्छन् कानुनका ज्ञाता मध्येका एक बस्नेत, उनी थप्छन् भूलचुकमा भएको भए मान्य हुने र जानाजान गरेको भए दण्डनीय हुने बताउँछन् ।
यो रु १० को नोट विराटनगर–७ को एक किराना पसलबाट युवा नितेष क्षेत्रीले फेला पारेका हुन् । उनले उक्त पसलमा किराना केही आइटम किनेर सरासर घर आएँ । र, भोलीपल्ट गोजी छाम्दा यो नोट नियालेर हेर्दा यस्तो दुईवटा फरक–फरक नम्वर भएको उक्त नोट फेला परेको पत्तो पाएँ ।
खासमा यो रु १० को नोट हेर्दा दुइवटा रु १० को आधा–आधा नोट जोडेको नै हो की जस्तो पनि देखिन्छ ।यो नोटमा सेलो टेप चाही टासिएँको छ ।यो नोट हेर्दा दुइवटा फरक–फरक रु १० को नोटको एक–एक भाग मिलाएर टाँसेको हो की जस्तो पनि देखिन्छ । तर नोटको मामलामा प्रतिकृया दिने निकाय भने चाही नियामक निकाय या भनौ सम्वन्धित निकाय अर्थ मन्त्रालय, नेपाल राष्ट्र बैंक नै हो । तसर्थ यथार्थता सरोकारवाला निकायले नै भोलीको दिनमा प्रष्ट पार्लान् ? , सि. नं. ६५३७३६ र सि. नं. १५८०३२ नोटको दायाँ–बायाँ रहेको छ । यो नोट हाम्रो कार्यालयमा सुरक्षित छ ।
