निरज बस्नेत
विराटनगर, माघ ८
प्रदेश नं. १ नेपाल उद्योग परिसंघले आगामी १९ माघ देखी २८ माघसम्म गरी १० दिनसम्म विराटनगरमा अन्तराष्ट्रिय महोत्सवको आयोजना गर्देछ ।
महोत्सवमा ३५० भन्दा बढी स्टलहरु रहने कुराको जानकारी सिएनआई प्रदेश १ का निर्देशक विजयहरि शर्माले दिएँ । शर्माका अनुसार यस महोत्सवमा कृषि एवं औधोगिक प्रविधि र वस्तुहरुको प्रदर्शनी गरिने छ । साथै योग्य वस्तुहरुलाई अलग–अलग पभेलियनमा राखिने छ । त्यस्तैगरी महोत्सवमा अटो, व्यापार, घरेलु तथा साना उद्योगका स्थानीय उत्पादनका सामाग्री राखिने भएको छ ।
सांस्कृतिक कार्यक्रमले महोत्सवमा थप उर्जा थप्ने आयोजकको विश्वास छ । सौर्य मण्डलको अवलोकन गर्ने अवसर पनि मिल्नेछ । संस्थागत र व्यक्तिगत फर्मले स्टल बुक गरिरहेको आयोजकको दावी रहेको छ ।
