निरज बस्नेत
धनकुटा, माघ १५
गएराती धनकुटा महोत्सवमा भागदौड मच्चियो । गायक प्रमोद खरेल स्टेचमा गाना गाइरहेका थिँए । सँगै महोत्सवमा अर्कोपट्टी हाउजी गेम चलिरहेको थियो । यही खेलका कारण महोत्सवमा अत्यधिक भीडभाड भइरहेको थियो । यता महोत्सवको मूलगेटमा मान्छेहरु एकैचोटी ओहोरदोहोर गर्ने क्रमकै कारण यो भवितव्य घटना घट्न पुगेको उद्योग वाणिज्य संघ धनकुटाका अध्यक्ष विजय संतोषी राईले बेलिविस्तार लाउँदै बताएँ । यसक्रममा दर्जनौं घाइते भएका छन् ।
घाइतेमध्ये १८ जनाको उपचार घोपा क्याम्प धरानमा भइरहेको धरान प्रहरीले जानकारी दिएको छ । यता घाइते १२ जनाको उपचार धनकुटा अस्पतालमै भएको र, उनीहरु घर फर्किएको धनकुटा अस्पताले बताएको छ । घाइते २ बच्चाको उपचार विराटनगरस्थित गोल्डेन अस्पतालमा भइरहेको गोल्डेन अस्पतालका प्रबन्धक संतोष मेहेताले जानकारी गराएका छन् ।
यो महोत्सवले जुवाजन्य खेललाई ज्यादा महत्व दिएको कारण यो घटना घटेको धनकुटाका स्थानीयहरु आक्रोसित हुदै बताउँछन् । यता धनकुटा प्रशासनले आँखा चिम्लिदा समेत महोत्सव आयोजकको जुवाजन्य हाउजिङ गेम खेलाउँने मनोवल बढेको धेरैको प्रतिक्रिया रहेको छ ।
काम बिग्रिसकेपछि प्रशासनले झारा टार्ने हिसावले सर्वपक्षीय भेला आज बोलाएको छ । यो भेलाबाट महोत्सव स्थगित गर्ने निर्णय आउँनसक्ने निमित्त प्रजिअ ममता अधिकारी बताउँछिन् । जवकी महोत्सव भोली सकिदैंछ । यता महोत्सव थप २ दिन समेत लम्याउँने तयारी गरिदैछ । महोत्सव ६ माघबाट चलिरहेको अवस्था हो ।
