झापा, मंसिर २२
आसन्न टी २० प्रधानमन्त्रीकप क्रिकेट प्रतियोगिताको लागी कोशी प्रदेशमा महिला क्रिकेट खेलाडीको छनोट खेल शुक्रबार सम्पन्न भएको छ । कोशी प्रदेश क्रिकेट संघको आयोजनामा बुधबारबाट झापाको काकडभिट्टामा सो छनोट खेल शुरु भएको हो ।
छनोटको लागी दैनिक एक म्याच गरि कुल ३ वटा म्याच आयोजना भएको थियो । सबै म्याचमा झापाले मोरङ माथि जित हासिल गर्न सफल बनेको छ ।
अयोजकका अनुसार यसपटकको छनोट खेलमा मोरङ र झापाको टोलीले मात्र सहयागीता जनाएका थिए । अघिल्ला वर्षका छनोट खेलहरुमा प्रदेशबाट पाँचवटासम्म जिल्लाहरुको सहभागिता रहने गरेको थियो । सो छनोट खेल सातै प्रदेशमा चलिरहेको छ ।
