विराटनगर, फागुन ८
राजतन्त्र पुर्नस्थापना नभएसम्म संघर्ष जारी रहने एकीकृत राष्ट्रिय संघर्ष समितिका संस्थापक अध्यक्ष बल्लभ प्रसाद दाहालले विराटनगरमा सोमवार आयोजित एक कार्यक्रममा उद्घाेष गरेका छन् । सन्दर्भ , पूर्वरानी कोमल राज्यलक्ष्मी शाहको ७४औं जन्मोत्सव तथा राष्ट्रिय प्रजातन्त्र दिवस रहेको थियो । यसै कार्यक्रममा आफ्नो धारणा राख्दै दाहालले भने “हामी हिंसामा विश्वास गर्देनौं । हामी अहिंसावादी हौं । एकीकृत राष्ट्रिय संघर्ष समिति तवसम्म रहन्छ , जवसम्म राजतन्त्र पुर्नस्थापना हुदैन ।”
राजतन्त्र पुर्नस्थापना भएपछि त संघर्ष समितिको औचित्यनै सकिन्छ , दाहालले भनेका छन् । यस्तैगरी एकीकृत संघर्ष समितिको निर्णायक आन्दोलन अव राजा ल्याउने गरी हुने कुरा दाहालले सो कार्यक्रममा बताएका थिँए । कार्यक्रममा नेपाल विद्दत परिषद्का केन्द्रिय अध्यक्ष जीतबहादुर अर्जेल , पूर्वमन्त्री बद्री प्रसाद मण्डल , एकीकृत राष्ट्रिय संघर्ष समितिका वरिष्ठ सचिव पुष्पराज दाहाल लगायतको उपस्थिति रहेको थियो ।
