विराटनगर, फागुन १५ । बुधबारबाट विराटनगरमा शुरुहुन लागेकाे मारवाडी प्रिमियर लिग (एमपिएल) क्रिकेट प्रतियाेगिताकाे पुर्वसन्ध्यामा वृहत माेटरसाईकल र्याली निकालिएकाे छ। मंगलबार आयाेजक नेपाल अग्रवाल युवा मञ्चले निकालेकाे उक्त र्यालीमा ५० भन्दाबढी माेटरसाईकलकाे सहभागीता रहेकाे थियाे । र्यालीकाे अग्रपंक्तीमा एमपिएलकाे कप समेत प्रदर्शनी गरिएकाे थियाे । विभिन्न टिमकाे जर्सि पहिरीएका सहभागीहरुले एमपिएलकाे ब्यानर र भण्डा र्यालीमा प्रदर्शन गरेका थिए ।
विराटनगर २ स्थित विराट नर्सिङ होम पूर्व शंकरपुर मार्गमा बुधबारदेखि १०औं संस्करणको मारवाडी प्रिमियर लिग क्रिकेट प्रतियोगिता सुरु हुँदैछ । विराटनगरमा एमपिएलकाे वृहत प्रचारप्रसारकाे लागी एमपिएलकाे पुर्वसन्ध्यामा मोटरसाइकल र्याली निकालिएको आयोजक समितिका चेयरमेन अभिषेक केडियाले जानकारी गराएका छन् । विराटनगरको मारवाडी सेवा सदनबाट शुरु भएकाे मोटरसाइकल र्याली नगरक्षेत्रको विभिन्न भागको परिक्रमा गर्दै क्रिकेट प्रतियोगिता आयोजना स्थलमा पुगेर समापन भएको थियो ।
बुधबार रंगेली नगरपालिकाका मेयर दिलिप बगडियाले बिहान ७ बजे एमपिएलकाे उद्घाटन गर्ने कायक्रम तय भएकाे छ । शनिबारसम्म चल्ने प्रतियोगितामा ५ टिमको सहभागिता रहेका छन् ।
मंगलबार मोटरसाइकल र्यालीमा नेपाल अग्रवाल युवा मञ्च विराटनगरका अध्यक्ष मनिष अग्रवाल, प्रतियोगिता आयोजक समितिका चेयरमेन अभिषेक केडिया, मुख्य संयोजक चेतन अग्रवाल, संयोजक अंकुर कनोडिया, संयोजक निशान्त अग्रवाल, स्पोन्सर राजेश बगडिया, राजनैतिक एवं समाजसेवी पवन सुराना लगायत १ हजार भन्दा बढि सर्वसाधारणको सहभागिता रहेको थियो ।
