विराटनगर,८ जेठ / अन्तर्राष्ट्रिय कृष्णभावनामृत संघ (इस्कोन नेपाल) का प्रमुख श्रीमत् महाविष्णु स्वामीमहाराजलाई मंगलबार विराटनगरमा भव्य स्वागत गरिएको छ । इस्कोन नेपालको विराटनगर शाखाका सचिव भानुभक्त जोशी सहित पदाधिकारीहरूले स्वामीलाई स्वागत गर्नु भएको थियो ।
मंगलबार विराटनगर आइपुग्ुनु भएका स्वामीले विराटनगर, धरान र झापाको कार्यक्रममा सहभागिता जनाउनु हुने भएको छ । बेलायतमा जन्मिएका स्वामी महाराज सन् १९७७ देखि नेपालमा वैद्धिक सनातन तथा हिन्दु धर्मको संरक्षण, सम्वर्द्धन कार्यमा सक्रिय रहन्ु भएको छ । उहाँले मंगलबार मंगल आशिर्वाद र प्रवन गरेर भक्तहरुलाई सन्देश प्रवाह गर्नु भएको थियो । स्वामीको यो आगमनलाई पूर्व क्षेत्रमा अत्यन्तै श्रद्धापूर्वक हेरिएको छ ।
प्रवचन कार्यक्रममा बोल्दै स्वामीले कुनैपनि ज्ञान पूर्वीय र पश्चिमा नहुने र यसलाई अझ व्यापकता प्रदान गर्नुपर्ने बताउनु भयो । सनातन संस्कृति अत्यन्तै बलियो रहेको भन्दै उहाँले मानिसहरुलाई ज्ञान धारण गर्न आग्रह गर्नु भयो ।
