काठमाडौं,१८ असार। नेपाली कांग्रेसको पदाधिकारी तथा पूर्व पदाधिकारी बैठक सुरु भएको छ। पार्टी सभापति शेरबहादुर देउवाको निवास बूढानीलकण्ठमा बैठक जारी छ ।
बैठकमा सभापति देउवाले सोमबार राति एमालेसँग भएको सहमतिबारे जानकारी गराउने बताइएको छ । सोमबार कांग्रेस सभापति देउवा र एमाले अध्यक्ष केपी शर्मा ओलीबीच सत्ता सहकार्य गर्ने विषयमा सहमति भएको छ।
दुई दलबीच आलोपालो सरकारको नेतृत्व गर्ने र पहिलो चरणमा एमाले अध्यक्ष केपी शर्मा ओलीले सरकारको नेतृत्व गर्ने सहमति भएको छ। यसै विषयलाई लिएर राजनैतिक सरगर्मी बढेको छ ।
