२४ कार्तिक २०८३, सोमबार
09-11-2026 , Mon
Gold Silver Price (Kartik 20, 2083, FRI)
Fine Gold 1 Tola NRs. 283500
Silver 1 Tola Nrs. 3825

नेपाल भारतकाे दुई ठुला अस्पतालले गरे सहकार्यकाे सम्झाैता

Logo
जनचर्चा संवाददाता

विराटनगर, मंसिर २१  ।  विराटनगरको न्यूरो कार्डियो एण्ड मल्टिस्पेशियालिटी अस्पतालले भारतको फरिदावादस्थित अमृता अस्पतालसँग सहकार्यकाे साझेदारी गरेको छ।

अस्पताल स्थापनाको २५ वर्ष पूरा भएको सेराेफेराेमा यो ऐतिहासिक सम्झौता गरीएकाे हो। भारतको एक ठूलो निजी क्षेत्रको स्वास्थ्य संस्था मानिने २६०० शय्या क्षमताको अमृता अस्पतालसँगको यो सहकार्यले स्थानीय बिरामीहरूलाई विश्वस्तरीय उपचार सुविधा उपलब्ध गराउने अपेक्षा गरिएको छ।

शनिबार आयोजित विशेष कार्यक्रममा अमृता अस्पतालबाट आएका प्रा.डा. सञ्जय पाण्डे र डा. सौरभ पाहुजाको उपस्थितिमा यो साझेदारीको औपचारिक सुरुवात गरिएको थियो। न्यूरो अस्पतालका विशेषज्ञ डा. वीरेन्द्रकुमार विष्ट र डा. सुनन्द पौडेलले यो सहकार्यले मस्तिष्क र स्नायु रोग, फोक्सोसम्बन्धी समस्याका साथै क्यान्सर उपचार, अंग प्रत्यारोपण र रोबोटिक शल्यक्रियाजस्ता जटिल सेवाहरूमा गुणस्तरीय सुधार ल्याउने बताए।

कोशी र मधेश प्रदेशका हजारौं बिरामीहरू उपचारका लागि भारत र काठमाडौं जानुपर्ने बाध्यता अब कम हुने अस्पतालले दाबी गरेको छ। न्यूरोलोजी विभागलाई थप बलियो बनाउनुका अतिरिक्त पल्मोनरी सेवाको विस्तार यस सहकार्यको मुख्य फोकस रहेको जनाइएको छ।

साझेदारी घोषणासँगै न्यूरो अस्पतालले शनिबार नै न्यूरोलोजी र पल्मोनोलोजी रोगका बिरामीहरूका लागि निःशुल्क परामर्श शिविर सञ्चालन गर्‍यो। अमृताका विशेषज्ञहरूको प्रत्यक्ष सहभागितामा सञ्चालित शिविरमा ८१ जना बिरामीले स्वास्थ्य परीक्षण गराएका छन्।

कमेन्ट गर्नुहोस्
सम्बन्धित

काठमाडौं, १९ कात्तिक। पदबाट हटाइएको भन्दै निवर्तमान प्रहरी महानिरीक्षक (आईजीपी) दानबहादुर कार्कीले सर्वोच्च अदालतमा रिट निवेदन पेस गर्न पुगेका छन्। उनको रिट बोकेर केही समयअघि वकिलहरू सर्वोच्च पुगेका हुन्। सरकारले  कार्कीलाई आईजीपीको जिम्मेवारीबाट हटाई प्रधानमन्त्रीको सुरक्षा सल्लाहकारमा नियुक्त गरेको थियो। आफूमाथि अन्याय भएको दाबी गर्दै उनी अदालतको शरणमा पुगेका हुन्। अदालतको प्रशासनिक प्रक्रिया पूरा भएपछि […]

काठमाडौं, १९ कात्तिक। रसुवाको भोटेकोशीमा आएको बाढीपछि प्रधानमन्त्री दैवी प्रकोप उद्धार कोष र प्रधानमन्त्री राहत कोषमा आर्थिक सहयोग थपिने क्रम अझै रोकिएको छैन। प्रधानमन्त्री तथा मन्त्रिपरिषद्को कार्यालयले दिएको जानकारीअनुसार आज बिहान ९ बजेसम्म यी कोषका विभिन्न खातामा जम्मा रकम १८ अर्ब ३७ करोड ४७ लाख ११ हजार ५७४ रुपैयाँ पुगेको छ। यसमध्ये प्रधानमन्त्री दैवी प्रकोप […]

काठमाडौं, १७ कात्तिक – सरकारको मन्त्रिपरिषद् बैठक आज अपराह्न बस्दैछ। प्रधानमन्त्री एवं मन्त्रिपरिषद्को कार्यालयका अनुसार बैठक ४ बजे बस्ने गरी बोलाइएको हो। करिब दुई साताको अन्तरालपछि बालेन शाहले मन्त्रिपरिषद् बैठक आह्वान गरेका हुन्। सिंहदरबारस्थित मन्त्रिपरिषद्को कार्यालयमा बैठक बस्नेछ।