काठमाडौं, आसोज १०
नयाँ बानेश्वर व्यापार व्यवसायी सङ्घले शनिवार बृहत् सरसफाइको कार्यक्रम आयोजना गरेको छ । शनिवार (असोज ११) बिहान साढे ७ बजे शंखमुलबाट सरसफाइ कार्यक्रम सुरु हुने बताईएको छ ।
‘हाम्रो बानेश्वर राम्रो बानेश्वर’ अभियान अन्तर्गत हुने यो कार्यक्रममा पूर्व उपप्रधानमन्त्री तथा नेपाली काँग्रेसका नेता प्रकाशमान सिंह लगायतको उपस्थिति रहने संस्थाका अध्यक्ष रामशरण गिरीले जानकारी दिए । अध्यक्ष गिरी भन्छन् “व्यापारीलाई सबैले नाफाखोर र कालोबजारी मात्र भनेर चिन्दै आएका छन्, त्यो मानसिकतालाई हामी चिर्न चाहन्छौं”
बानेश्वर एरिया सफा र सुन्दर हुनुपर्ने र सबैले सरसफाइको संस्कार बसाल्नुपर्छ भन्ने उद्देश्यले यो कार्यक्रम आयोजना गरिएको संस्थाका कोषाध्यक्ष रमेशमान शाक्यले जानकारी दिए । सङ्घले अहिलेसम्म व्यवसायीको हक र हितको लागि लडिरहेको पनि शाक्यले अवगत गराए ।
