काठमाडाैं ,फागुन १२ । नेपाली राष्ट्रिय महिला फुटबल टोलीकी कप्तान सावित्रा भण्डारी ‘साम्बा’ घुँडाको गम्भीर चोटका कारण पुनः जटिल शल्यक्रियाको गर्नुपर्ने भएकाे छ। बारम्बार एनफा र सरकारवाट सहयाेग माग्दा पनि नपाएपछी भण्डारीले सार्वजनिक अपिलमार्फत उपचार खर्च उठाउने निधाे गरिन् । करिब ८० हजार अमेरिकी डलर उपचार खर्च जुटाउन उनले समाजिक संजालमार्फत सार्वजनिक अपिल गरेको २४ घण्टा नपुग्दै विदेशबाट मात्रै ४१ लाख १३ हजारभन्दा बढी रुपैयाँ संकलन भयो। नेपालबाट पनि उल्लेखनीय सहयोग आएको छ।
देशका लागि खेल्ने राष्ट्रिय कप्तान उपचारका लागि हात फैलाउन बाध्य हुनु — यो एउटा व्यक्तिको पीडा मात्र होइन, नेपाली खेलकुद प्रशासनको विफलताको प्रतिबिम्ब हो। एनफाले FIFA र AFC बाट वार्षिक करोडौं रुपैयाँ सहयोग पाउँछ, तर खेलाडीको स्वास्थ्य उपचार र बीमाका लागि कुनै ठोस व्यवस्था छैन। पदअधिकारीकाे तलबभत्ता लाखाैमा छ तर खेलाडीको तलब जम्मा ३० हजारमा सीमित राखिएको छ। अनुमति नलिई पदाधिकारीहरू विदेश जाने, एउटै खेलमा धेरै जना पदअधिकारी र उनीहरुका आफन्तजनलाई विदेशलाने विगतका कर्तुतले एनफा बदनाम छ ।
