०५ आषाढ २०८१, मंगलबार
18-06-2024 , Tue

दैव बने मेयरको बाधक

Logo
प्रकाशित आइतबार, आश्विन १९, २०७६

विराटनगर, असोज १९
केहि वर्षदेखि धुलो र हिलोको समस्याले विराटनगरवासीलाई आक्रान्त बनाएको छ । निर्माणाधीन अवस्थामा रहेको यो महानगरपालिकामा अहिले सडकहरु जताततै भत्काईएको छ । भत्किएका सडकबाट सिर्जित धुलोले नगर धुलाम्मे बन्ने गरको छ भने पानी परेपछि सडक हिड्नै नमिल्ने गरी हिलाम्मे हुने गरेको छ ।
उक्त विषयमा विराटनगरवासीले चौतर्फी विरोध गरेपछि महानगरपालिकाका मेयर भिम पराजुलीले दशैभन्दा अगवै विराटनगरको सडकहरु निर्माण गरिसक्ने प्रतिवद्धता व्यक्त गरका थिए । उनले गरेको उक्त प्रतिवद्धता संचारमध्यम र समाजिक संजाल परालमा आगो लागे झैं फैलियो । तर उनले गरेको प्रतिबद्धता पुरा हुन सकेन, दैश आयो सडक भने जस्ताको तस्तै लथालिङ रह्यो ।
भनिन्छ नि, ‘हुने हार दैव नटार’ मेयर पराजुलीसँग पनि तस्तै नै भयो । मेयर पराजुलीले प्रयास नगरेको भने कदापी हैन्, प्रतिवद्धता गरेपछि उनीले रातको १ बजेसम्म आफै फिल्डमा खटेर सडक निर्माणको कामलाई निरन्तरता दिएका थिए । महानगरका सबै कामलाई अन्य जनप्रतिनिधिलाई जिम्मा दिएर आफु दिन रात फिल्डमा खटिने गरेको थिए । तर उनलाई दैवले नै साथ दिएनन् । कामले रफ्तार लिएको दुईदिन बित्न नपाउदै बेमौसमी वर्षा भयो । पानी परेपछि काम अघि बढ्ने कुरा भएन् । दिनदिनै पानी पर्ने थाल्यो, १० दिन बढी पानीले खाईदियो । पानी परेकाले निर्माणको काम ठप्प बन्न पुग्यो ।

रातको १ बजे सडक निर्माण कार्यको स्थलगत अवलोकन गर्दै विराटनगरका मेयर

मेयर पराजुलीको सचिवालयको अनुसार सडक निर्माणको ७५ प्रतिशत काम १५ दिनभित्र सकिने गरी वोर्क प्लान समेत बनिसकेको थियो । तर निरन्तर परेको पानीको कारण योजना अनुसार काम हुन नसकेको सचिवालय बताउँछ । मेयरका स्वकीय सचिव त्रिभुसन गिरी भन्छन् “बेमौसमी पानी परेको कुरा सबैलाई थाहा नै छ, तैपनि मेयरले काम गरेन भनेर बदनाम गराउने प्रयास भइरहेको छ” उनले थपे “योजनाअनुसार काम अघि बढी सकेको थियो, १० दिन मात्र लगातार काम गर्न पाएको भए गुनासो गर्ने मौकै कसैले पाउदैन थिए, पानीले सत्यानास पार्यो ”
गुनासो भएका नगरवासीलाई सडक निर्माणको जटिलता बुझ्न महानगरपालिकाले आग्रह गरेको छ । महानगरका अनुसार अहिले सडक निर्माणको मात्र काम भईरहेको छैन् । सडकसँगसगै अन्डर ग्राउण्ड सिवेजको काम समेत भईरहेको छ । जसका लागी सडकलाई खनेर अण्डरग्राउण्ड पाइपिङ गुर्नपर्ने महानगर बताउँछ । त्यससगै बिजुली र टेलीफोनका पोललाई समेत हटाउनु पर्ने हुन्छ र कालोपत्रे गर्नुभन्दा पहिला फेरी पोलहरु गाड्नु पर्ने हुन्छ ।
आफुले कामै गर्न नसकेको कुरा सत्य नभएको मेयर पराजुलीले प्रतिक्रिया दिएको छन् । पराजुलीका अनुसार सवारी साधन विकास कार्यक्रम अन्तर्गतको सबै कामहरु समयसिमा भन्दा अघिनै सकिसकेको छ । उक्त कार्यक्रम अन्तर्गत विराटनगरको त्रिमुर्ति चौक, चाँदनी चौकी, डिपीस स्कुलका बाटाहरु र घोगा पैनीको सडक निर्माण भईसकेको छ । उक्त कार्यक्रमको समय सिमा दुई वर्ष रहेतापनि डेढ वर्षभित्रै सबै कामहरु फत्ते गरेको मेयरको भनाई छ ।
त्यस्तै आरयुडिपी अन्तर्गत हाल विराटनगरको मुल बजारमा भईरहेको काम पनि समयभित्र सकिसक्ने मेयरले प्रतिवद्धता व्यक्त गरेका छन् । उक्त कार्यक्रमको समयसिमा नोबेम्बरसम्म भएकाले सो अवधि भित्र सबै सडक निर्माणको काम सम्पन्न भईसक्ने मेयर बताउँछन् । मेयर भन्छन् “हामीले देशै अगवै सबै काम सक्ने टार्गेट लिएका थियौं, प्रकृतिको अगाडी कसैको केही लाग्दैन रै छ, पानीले काम गर्न दिएन” उनले थपे “तर अब काम रफतानरमा अघि बढाईन्छ, कुनै भईपरी आएन भने तिहारसम्म मुख्य बजारका सबै काम सकिनेछ” । बाँकी सडकहरु पनि दशै तिहार पश्च्यात निरन्तर रुपमा निर्माण गरिने मेयर पराजुलीको भनाई ।

 

कमेन्ट गर्नुहोस्
सम्बन्धित

 असार ३, काठमाडौं । मुस्लिम धर्मावलम्बीको दोस्रो महान् पर्व बकर इद (इदुल जोहा) आज देशभरका मस्जिदमा मनाइँदै छ । इदुल फित्र अर्थात् रमजान पर्वको ७०औँ दिनमा बकर इद मनाउने गरिन्छ । मुस्लिम धर्मावलम्बीले आज नजिकैको मस्जिदमा गई सामूहिक नमाज पढ्छन् । नमाज पढिसकेपछि एकापसमा शुभकामना आदानप्रदान गर्ने चलन पनि छ । यस पर्वका अवसरमा मक्का […]

विराटनगर,असार १ । नेपाल लोकतन्त्रवादी आदिवासी जनजाति महासंघ मोरङ क्षेत्र नं. ४ को प्रथम अधिवेशन सुरु भएको छ । ग्रामथान गाउँपालिका स्थित नेताचोकमा भएको उक्त कार्यक्रमको उद्घाटन नेपाली कांग्रेसका केन्द्रीय सदस्य भीम पराजुलीले गरेका छन् । कार्यक्रममा बोल्दै पराजुलीले आदिवासी, जनजातिको सर्वाङ्गीण विकासबाट मात्रै देशको समृद्धि सम्भव हुने बताए । आदिवासी, जनजातिहरुको पहिचान गर्ने र उनीहरुको […]

झापा, असार १ । पर्याबरण संरक्षणको सन्देश प्रवाह गर्दै विश्व पैदाल यात्रामा निस्किएका रोहन अग्रवालले नेपालका ७३ वटा जिल्लाको भ्रमण पूरा गरेका छन् ।  भारतको महाराष्ट्रस्थित नागपूराका २२ वर्षीय रोहनले पर्यावरण संरक्षणका लागि सचेतना जगाउँदै भारत र वंगलादेशको पैददलयात्रा सम्पन्न गरी नेपाल आएका हुन् । पश्चिम नेपालबाट पैदलयात्रा शुरु गरेका रोहनले नेपालका ७३ वटा जिल्लाको […]