१५ जेठ २०८१, मंगलबार
28-05-2024 , Tue

अब बन्छ विराटनगर

Logo
प्रकाशित शुक्रबार, कार्तिक ०१, २०७६

विराटनगर,कार्तिक १
महानगरमा बाटोघाटोको लथालिङ अवस्था देख्दा अहिले प्राय विराटनगरवासीले प्रश्न गर्ने गरेका छन् “कहिले बन्छ विराटनगर ?”  यसको जवाफ दिनका लागी अहिले विराटनगरका मेयर भिम पराजुली र उनको टोली तत्पर भएर लागेका छन् ।
परिणामतः केहि दिनदेखि विराटनगरमा निर्माणको कार्यले द्रुत गति पाएको छ । जसले, अब विराटनगरले चाँडै नै मुहार फेर्ने संकेत समेत दिएको छ । अहिले विराटनगरमा भईरहेको निर्माणको गतिलाई हेर्दा सहजै अनुमान गर्न सकिन्छ अब विराटनगर बन्न धेरै समय लाग्ने छैन ।
आठोट लिएर काम गरे सबै कुरा संभव छ भन्ने अहिले विराटनगरका मेयर भिम पराजुलीले काम गरेरै उदारण दिईरहेका छन् । विराटनगरको जलजला चौक देखि ट्राफिक चौकको सडक काम थालिएको तिनदिन नबित्दै सम्पन्न हुन लागिसकेको छ । यही तिन दिन भित्र यो सडकलाई उत्खनन गरी ढलका पाईपीङहरु चेकजाच गरी सम्याउने काम समेत भईसकेको छ । बिजुली तथा टेलिफोनको पोलहरुपनि तिनदिनभित्रै व्यवस्थतित गरिसकिएको छ । यही गति अनुसार जाने हो भने अबकोे एकआत दिनमा बजारका सबै सडक पिच समेत भईसक्नेछ ।
मेयरका प्रेस संयोजक कौशल निरौला, अबको एक महिना भित्र विराटनगरले पुर्ण रुपमा मुहार फेर्ने दाबी गर्छन् । निरौला भन्छन् “अब बढीमा एक महिना दुःख हो, जुन तरिकाले काम भईरहेको छ हेर्दै जानुस् विराटनगरले चाँडै नै मुहार फेर्ने छ”

रातको १ बजे सडक निर्माण कार्यको स्थलगत अवलोकन गर्दै विराटनगरका मेयर

 

 

 

 

 

विराटनगरका निर्माणाधिन सडकहरु यथासिघ्र सम्पन्न गर्ने अहिले मेयर पराजुली स्वयम दिन रात फिल्डमा खटिने गरेका छन् । मेयर पराजुलीले अबेर रातसम्म पनि विराटनगरमा सडक निर्माणको कामलाई अघि बढाएका छन् । उनी रात एक बजेसम्म सडक निर्माणको काम भईरहेको छ\छैन भन्ने विषयमा प्रत्यक्ष निरिक्षण गर्ने गरेका छन् ।
भर्खरै मात्र विराटनगर महानगरपालिका मेयर भिम पराजुलीले तिहार अघिनै विराटनगरको सबै सडकहरु बनीसक्ने विराटनगरवासीलाई प्रतिवद्धता गरेका थिए । सोही प्रतिवद्धतालाई साकार तुल्याउन अहिले मेयर पराजुली लागी परेका छन् । उनले यस अघि पनि दशै अगवै निमार्णको काम सम्पन्न गरिसक्ने बताएका थिए । तर अविरल आएको वर्षाको कारण काम फत्ते हुन सकेको थिएन् । तर यसपटक भने आफुले गरेको प्रतिवद्धतालाई पुरा गरेरै छाड्ने अठोट लिएर मेयरले काम अघि बढाईरहेका छन् । यो गतिलाई हेर्न हो भने,चाँडै नै विराटनगर बनी सक्ने सजिलै आँकलन गर्न सकिन्छ ।

मेयरका स्वकीय सचिव त्रिभुशन गिरीका अनुसार तिहारसम्ममा विराटनगरको मेनरोड, हस्पिटल चौक, उच्च अदालत, न्युरो हस्पिटलको भित्री र बाहिरी बाटो बनिसक्ने बताउछन् ।
मेयर पराजुलीले जनचर्चासँग कुरा गर्दै तिहारसम्ममा विराटनगर बजारका सबै सडकहरु बनी सक्ने र त्यसपश्च्यात अन्य सडकहरु पनि द्रुत गतिमा निमार्ण गरिने बताएका छन् ।

कमेन्ट गर्नुहोस्
सम्बन्धित

काठमाडौं, १४ जेठ । निलम्बित न्यायाधीश भुवन गिरी जबरजस्ती करणी मुद्दामा दोषी ठहर भएका छन् । जिल्ला अदालत काठमाडौंका न्यायाधीश दुर्गाप्रसाद भुसालको इजलासले उनलाई बलात्कार मुद्दामा दोषी ठहर गरेको हो । सम्बन्ध विच्छेदको मुद्दा चलिरहेको अवस्थामा सहमतिविना गिरीले जबरजस्ती करणी गरेको आरोप छ । गिरीकी श्रीमती आरती रावलले मुद्दा दायर गरेकी थिईन् । निलम्बनमा रहेका […]

काठमाडौँ ,१३ जेठ ।   मुलुकले भुक्तान गर्न बाँकी सार्वजनिक ऋण करिब रु २४ खर्ब रहेको सार्वजनिक ऋण व्यवस्थापन कार्यालयले जनाएको छ। साथै चालु आर्थिक वर्षको १० महिनामा रु ९८ अर्ब ऋण थपिएको छ। यो चालु आवको १० महिनाको भुक्तानी गर्न बाँकी सार्वजनिक ऋण हो। टाउको गन्ती हिसाब गर्दा हरेक नेपालीको भागमा करिब ८० हजार रुपैयाँ […]

काठमान्डौंँ,१२ जेठ ।डेङ्गु रोगको सङ्क्रमण ५७ जिल्लामा देखिएको छ। मौसम परिवर्तनसँगै पानी पर्न थालेपछि डेङ्गु रोगको सङ्क्रमण पनि बढ्न थालेको हो। स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखाका किटजन्य रोग शाखाका प्रमुख डा गोकर्णप्रसाद दाहालले पानी पर्न थालेपछि मानिसले पानी सङ्कलन गरेर राख्ने र सङ्कलन गरिएको पानीमा लामखुट्टे रहने भएकाले डेङ्गुको जोखिम बढेको जानकारी […]