०४ माघ २०७८, मंगलबार
Close
बिज्ञापन
प्रदेश प्रमुखलाई पदमुक्त गरेको बिषयप्रति कांग्रेसको आपत्ति

Janacharcha.com आइतबार, कार्तिक १७, २०७६ मा प्रकाशित

कात्तिक १७, काठमाडौँ 
सरकारले ७ वटै प्रदेशका प्रदेश प्रमुखलाई हटाएको बिषयप्रति प्रमुख प्रतिपक्षी दल नेपाली कांग्रेसले कडा आपत्ति जनाएको छ ।

सरकारको उक्त निर्णयको विषयमा प्रतिक्रिया दिँदै नेपाली काँग्रेस प्रवक्ता विश्वप्रकाश शर्माले सरकारले मनपरी निर्णय गरेर द्वन्द्व मात्रै निम्त्याउने बाटोमा लागेको बताए । उनले यस्तो पूर्वाग्रही कदमप्रति कांग्रेसको विमति रहने धारणा व्यक्त गरेका छन । संवैधानिक बाटोबाट नियुक्त भएका प्रदेश प्रमुख हटाउनाले सरकार पूर्वाग्रही सोचबाट ग्रसित भएको कुरा प्रष्ट भएको उनको आरोप छ । प्रवक्ता शर्माले पार्टीका नेताहरुसँगको परामर्शपछि सरकारको उक्त निर्णयको विरुद्ध कसरी अगाडि बढ्ने भन्ने योजना तय गरिने जानकारी दिए ।

ADVERTISEMENT

मन्त्रिपरिषदको आइतबार बसेको बैठकले उनीहरुलाई हटाउने निर्णय गरेको हो ।

मन्त्रिपरिषदको आईतबार बसेको बैठकले प्रदेश प्रमुखलाई पदमुक्त गर्न राष्ट्रपति विद्यादेवी भण्डारीसमक्ष सिफारिश गरेको थियो । सोही सिफारिशका आधारमा संविधानको धारा १६५ को उपधारा (१) को खण्ड (ख) बमोजिम सातवटै प्रदेशका प्रमुखलाई पदमुक्त गरिएको राष्ट्रपति कार्यालयका प्रवक्ता हरि दाहालले जारी गरेको विज्ञप्तिमा उल्लेख छ । नेकपाको विरोधका बीच तत्कालीन शेरबहादुर देउवा नेतृत्वको सरकारले २०७४ माघ ३ गते ७ वटै प्रदेशका प्रदेश प्रमुखलाई नियुक्ति गरेको थियो । नेकपाको तर्फबाट ओलीले वर्तमान सरकारको नेतृत्व गरेसँगै उनीहरुलाई हटाउन खोजिएपनि कांग्रेसले निरन्तर विरोध जनाउँदै आएको थियो ।

देउवा सरकारले भने प्रदेश १ मा गोविन्द बहादुर तुम्बाहाङ, प्रदेश २ मा रत्नेश्वर लाल (कायस्थ), प्रदेश ३ मा अनुराधा कोइराला, गण्डकीमा बाबुराम कुँवर, प्रदेश ५ मा उमाकान्त झा, कर्णालीमा दुर्गा केशर खनाल र सुदूरपश्चिममा मोहनराज मल्ललाई प्रदेश प्रमुखको रुपमा नियुक्ति गरेको थियो ।

तपाईको प्रतिक्रिया

सम्बन्धित

ताजा अपडेट
करेन्ट चाउचाउको कार्टुनभित्र स्रोत नखुलेको ५० लाख
४२ लाखको स्वास्थ्य समाग्री कोशी अस्पतालाई निशुल्क प्रदान
तार्केश्वर नगरपालिकामा निःशुल्क स्वास्थ्य शिविर हुने
Skip
थप समाचार
About Contact

COOPERATED BY:

KHEM POUDEL (JHAPA)

DINESH KHADKA (MORANG)
BHIM LAMICHHANE (BIRATNAGAR)
BATUKRAJ GIRI (KATHMANDU)

PRABIN K. GHIMIRE ( NEW DELHI, INDIA)
PITAM KHATIWADA (BIRATNAGAR)

CONTACT

Biratnagar -06, Morang Province 1

021-590566, 9812349000 (Hot-line)
Email: [email protected]

News-Director : Bijay Kumar Pathak

Editor : Manu Budathoki / Sushil Pokhrel

info deprt reg no. 1654/076-77

press council permit no: 362-076/077

सामाजिक संजाल