विराटनगर, पुष ०५
विराटनगरमा जारी जुत्ता–चप्पल व्यापार मेलामा काठमाडौंमा बिक्न नसकेका जुत्ता–चप्पलहरु सल्टाउने काम भईरहेको खुलासा भएको छ । काठमाडौंको भृकुटिमण्डपमा मंसिर ६ गते आयोजित एकहप्ते जुत्ता मेलामा उब्रिएका जुत्ताहरु हाल विराटनगरको जुत्ता चप्पल मेलामा सल्टाउने काम भईरहेको स्रोत बताउँछ ।
काठमाडौंको मेलामा पनि म्यानुफ्याक्चर डिफेक्ट भई फ्याक्ट्रिबाट रिजेक्ट भएका जुत्ता चप्पलहरु कम्पनीहरुले राख्ने गरेका स्रोतको दाबी छ । त्यसबाटपनि काठमाडौंका लाखौ मानिसहरुले छानेर उब्रीएको जुत्ता–चप्पलहरुमा विराटनगरको जुत्ता चप्पल मेलामा पठाइएको छ ।
उक्त खेलको पछि मुख्य हात डियर हिल शु का संचालक होमनाथ उपाध्याय रहेको बताईएको छ । काठमाडौं निवासी होमनाथ जुत्ता–चप्पल मेलाको संचालक समेत हुन् । दुईवर्ष अघि होमनाथले पहिलो पटक विराटनगरमा जुत्तामेलाको आयोजना गरेका थिए । मेला संचालनका लागी उनलाई विराटनगरमा हाईलाइफि शु एण्ड शिलिपरका संचालक विनय र विकास चौधरी (दाजुभाई)ले साथ दिएका थिए ।
पहिलो पटक(२०१७) मै उनीहरुले डिफेक्ट र उब्रिएको जुत्ताचप्पलहरु बेचर विराटनगरको मेलावाट करोडौं रुपौयाँको व्यापार गरेका थिए ।
त्यसबेला पनि जुत्ता–चप्पलमा डिफेक्ट भएको पाईएपछि वाणिज्य कार्यलय मोरगले स्थलगत अुनगमन गरी त्यस्तो काम नगर्न हामेनाथको टिमलाई सचेत गराएका थियो ।
विराटनगरको जैन भवनमा हाल जारी जुत्ता चप्पलमेलामा पनि पुनः त्यस्ता खाल्का गुनासोहरु आउन थालेका छन् ।
जुत्ता चप्पल किनेको एक घण्टा नबित्दै जुत्ता उक्किने र उद्रने गरेको गह्रकहरुको गुनासो छ । विराटनगर निवासी शिवम् मिश्रले जुत्ता किनेर लगाएको आधा घण्टा बित्न नपाउदै जुत्ता उक्किएको भन्दै उकिएको जुत्ता सहितको फोटो समाजिक संजालमा पोष्ट गरेका थिए । त्यस्तै मेला भम्रण गर्ने अधिकासंले मेलामा डिफेक्ट मालहरु राखिएको प्रतिक्रिया दिएका छन् ।
