विराटनगर, माघ १०
अवैध मधिरा ओसार पोसारमा प्रयोग भई जफत गरिएका पाँच दर्जनभन्दा बढी मोटरसाईकल आन्तिरक राजस्व कार्यलय (आराका) मोरङमा विगतको पाँच वर्षदेखि थन्किरहेको छ । समयमै लिलाम नगरिदा प्राय सवै मोटरसाईकलहरु जिर्ण बनिसकेका छन् । पक्राउ परेर थन्किएको अवस्थामा केही स्कुटरहरु पनि छन् ।
लामो समयदेखि थन्काएर राखिएका थुप्रै सवारी साधनहरु जिर्ण भईसकेका छन् भने भर्खर पक्राउ परेका केही सवारीसाधनहरु अहिले पनि सकुसल अवस्थामा रहेका छन् । आराका मोरङमा कार्यरत्त एक अधिकारी भन्छन् “यी सबै राज्यका सम्पत्ती हुन्, समयमै लिलाम गरेर राम्रो मुल्य लिने कि कुहाएर कवाडीमा बेच्ने ?” उनले थपे “यस विषयमा हामीले धेरै पटक प्रमुख ज्यूलाई भनिसकेका छौ तर वँहाले किन वास्ता गर्नु हुन्न खै ?”
हाल आराका मोरङका प्रमुख विमल सापकोटा हुन् । उनी भन्दा अघिका पाँच हाकिमले जफत गरिएको सवारीसाधनहरु लिलाम नगर्दा अहिले आराका मोरङमा कवाडी सवारीसाधनको थुप्रो लागेको छ । ती सवारी साधनलाई बेलैमा लिलाम नगरे राज्यलाई ठुलो घाटा हुने जानकारहरु बताउछन् । हाकिमहरुको वेवास्था र गैरजिम्मेवारीको कारण राज्यको सम्पत्ती कवडीमा परिणत भइरहेको छ ।

ADVERTISEMENT