१४ भाद्र २०८२, शनिबार
30-08-2025 , Sat
Gold Silver Price (13 Bhadra 2082, Friday)
Fine Gold 1 Tola NRs. 201100
Silver 1 Tola Nrs. 2375

हावा गफ दिएर अरुलाई मख्ख बनाउने विराटनगरका मेयर

Logo
प्रकाशित बुधबार, बैशाख १७, २०७७

विराटनगर, वैशाख १७ 
विराटनगर महानगरपालिकाका प्रमुख भिम पराजुलीको पछिल्लो समय विभिन्न कारणहरूबाट पटक–पटक आलोचित बन्दै आइरहेका छन् । कोभिड १९ का बिमारीलाई उपचारमा सहयोग पुग्ने भन्दै कोशी अस्पताललाई हस्तान्तरण गरिएको रोवर्ट तथा सरकारले गरेको लकडाउन घोषणा गरेपछि विराटनगरमा अलपत्र परेका मानिसलाई काठमाडौँ पठाउँदा नागढुगांमा मानिस अलपत्र बनेपछि मेयर पराजुलीको आलोचना हुन थालेको हो ।

विराटनगरबाट काठमाडौँ हिँडेका मानिसको अलपत्र भएको घटना सार्वजनिक भएपछि मेयर पराजुलीले काठमाडौँबाट विराटनगर आउन चाहने विराटनगरवासीले धमाधम आफ्नो नाम काटेपछि काठमाडौँ पुगेको गाडी रित्तै विराटनगर फर्किएका छन् । समाचारस्रोतले दिएको जानकारीअनुसार मेयर पराजुलीले चुनाव जिते यता कुनै पनि नयाँ कार्यक्रम ल्याउन नसक्दा सधैँ आलोचित बन्दै आइरहेका छन् ।

गोपाल रेग्मी तत्कालीन महानगरका कार्यकारी अधिकृत भएका बेला ल्याइएको एडीबीको कार्यक्रमलाई आफ्नो कार्यक्रम भनेर पराजुली प्रचार गरेको उनलाई आरोप लाग्ने गरेको छ । तत्कालीन विराटनगर उपमहानगरको इतिहासमा महानगरको नेतृत्व गरेका अशोक कोइराला, रमेशचन्द्र पौडेलहरू काम गर्न नसकेर अहिलेसम्म पनि राजनीतिमा माथि उक्सन सकेका छैनन् । मेयर पराजुलीको पनि हविगत त्यस्तै हुने अवस्था आएको स्थानीयहरूले बताएका छन् ।

मेयर पराजुलीको निकट रहेका एक जानकारले बाल्यकालदेखि नै काम नगरे पनि हावा गफ दिएर भए पनि अरुलाई मख्ख बनाउने क्षमता पराजुलीमा भएको दाबी गरे । मेयर पराजुली विराटनगरमा कहिले १० रूपैयाँको भरपेट भात खुवाएर त कहिले टाइसुट लगाएर हिलोमा डुंगा तानेर पटक–पटक चर्चामा आउने गरेका छन् ।

पराजुली मेयर भएपछि नगरपालिकामा संकलित राजस्व र केन्द्र एवं प्रदेश सरकारले दिने अनुदानबाहेकका बजेटका कार्यक्रम कुनै ल्याउन सकेका छैनन् । उनले ल्याएको फ्री वाइफाइ जोन कार्यक्रम कहाँ पुग्यो कुनै नगरवासीसमेत जानकार छैनन् । अहिलेसम्म पनि उनले घोषणा गरेका सबै स्थान फ्री वाइफाइ जोन भएका छैनन् । कतै भएका भए पनि अहिले बिग्रेभत्केको अवस्थामा रहेका छन् । रंगशालामा राखिएको वाइफाइको राउटरले काम गर्दैन । राजवंशी चोकको पार्कमा राखिएको वाइफाइको राउटर चोरी भएको छ । ट्राफिक चौकमा राखिएको वाइफाइको पैसा सकिएको महानगर स्रोतले बताएको छ ।

आर्थिक दैनिकबाट

कमेन्ट गर्नुहोस्
सम्बन्धित

काठमाडौं ,१४ भदौ। प्रधानमन्त्री केपी शर्मा ओली जनवादी गणतन्त्र चीनका राष्ट्रपति सी चिनफिङको मैत्रीपूर्ण निमन्त्रणामा साङ्घाई सहयोग सङ्गठन (एससिओ) शिखर सम्मेलनमा भाग लिन २३ सदस्यीय नेपाली प्रतिनिधिमण्डलको नेतृत्व गर्दै आज बिहान चीनको तियान्जिनतर्फ प्रस्थान गरेका छन् । त्रिभुवन अन्तरराष्ट्रिय विमानस्थलको अतिविशिष्ट कक्षमा प्रधानमन्त्री ओलीलाई उपप्रधानमन्त्री एवं सहरी विकासमन्त्री प्रकाशमान सिंह, गृहमन्त्री रमेश लेखक, परराष्ट्रमन्त्री डा आरजु […]

विराटनगर, १३ भदौ – कोशी प्रदेश सरकारले प्रदेशसभाबाट पारित गर्ने तयारी गरेको ‘प्रदेश आमसञ्चार सम्बन्धी व्यवस्था गर्न बनेको विधेयक, २०८१’ होल्ड भएको छ। प्रेस स्वतन्त्रता विरोधी प्रावधानसहितको विधेयक कोशी सरकारले ल्याएपछि पत्रकार र सञ्चारसम्बद्ध संघ संस्थाहरु आन्दोलनमा उत्रेका थिए। पत्रकारहरूको आन्दोलनपछि मुख्यमन्त्री हिक्मतकुमार कार्कीसँग तत्काल विधेयक अघि नबढाउने विषयमा छलफल भएको नेपाली कांग्रेस कोशी प्रदेश […]

विराटनगर,१४ भदौ । फोहोरमैला व्यवस्थापनका लागि कोशी प्रदेश सरकार र स्थानीय तहबीच संझौता भएको छ । मोरङ जिल्लाका चार तथा इलामका दुई स्थानीय तहबीच सम्झौता भएको हो । कोशी प्रदेश सरकार भौतिक पूर्वाधार विकास मन्त्रालय, विराटनगर र रङ्गेली नगरपालिका, सुनवर्षी नगरपालिका, कानेपोखरी गाउँपालिका तथा धनपालथान गाउँपालिकाबीच फोहोरमैला व्यवस्थापन रणनीतिक साझेदारी कार्यक्रमबारेको समझदारीपत्रमा हस्ताक्षर भएको हो । […]