विराटनगर, साउन ८
सरकारले एक उच्चपदस्थ कर्मचारीलाई उपलब्ध गराएको सरकारी गाडी दिनरात सडकमा पार्किङ गरेर छोड्ने गरेको पाईएको छ । उक्त लपारवाहीपुर्ण कार्य बुढीगंगा गाउँपालिकाका प्रमुख प्रशासकिय अधिकृत डम्मरुबल्लभ बरालबाट भएको बुझिएको छ ।
बरालको घर विराटनगर ३ ज्योतिमार्गमा रहेको छ । घरमा प्रयाप्त पार्किङ गर्ने ठाँउ हुदाहुदै पनि बरालले सडकको पेटिमै दैनिक पार्किङ गर्दै आएका छन् । बा १ झ ८५७९ नं.को बोलेरो गाडी दैनिक सोही मार्गमा बेवारीसे अवस्थामा पार्कीङ गरेर राख्ने गरेको स्थानीयले बताएका छन् ।
सडकमा त्यसरी लावारिस ढंगले गाडी छोडेपछि, गाडीमा कोही कसैले क्षति पु¥याउनेदेखि चोरी हुनेसम्मको जोखिम बढेको छ ।